Vil du jobbe med oppvekst og kultur og forme framtida saman med oss her i Vestnes kommune?

Vestnes kommune søker ein framoverlent, nytenkande og inkluderande kommunalsjef for oppvekst og kultur i fast 100 % stilling.

Stillinga som kommunalsjef er ei spanande og krevjande toppleiarstilling, og inngår i kommunedirektørens strategiske leiargruppe. Som deltakar i kommunedirektørens leiargruppe har ein eit særleg ansvar for å bidra til strategisk utvikling, tverrsektoriell samhandling og tenesteutvikling til beste for innbyggarane og tilsette. Kommunalsjef oppvekst og kultur har i si portefølje ansvar for grunnskule, barnehage, kulturskule, vaksenopplæring, flyktningteneste og PPT.

Kommunalsjefen skal være administrativ leiar for kommunalområdet oppvekst og kultur, herunder leie og koordinere sektorane si verksemd samt oppgåver som naturlig høyrer til stillinga. Stillinga inneber overordna fag-, økonomi- og personalansvar.

Vår nye kommunalsjef for oppvekst og kultur er strukturert og nøyaktig, uredd, navigerer godt under press og har gjennomslagskraft samstundes som ein er tydeleg og audmjuk. Det er krav om god munnleg og skriftleg framstillingsevne, vi nyttar nynorsk som skriftspråk. Det er ønskeleg med erfaring frå endringsleiing og kulturbygging. Personleg eigenskapar vert høgt vekta.

I godt samspel med politikarar, leiarar og tillitsvalde skal kommunalsjefen arbeide både for vidareutvikling av kommunen, og for gode effektive og berekraftige tenester til innbyggarane våre.

Vi ønsker søkarar med høgare utdanning (minimum bachelorutdanning og gjerne med relevant vidareutdanning, der utdanning innan leiarskap blir vekta) innan relevante fagområde i kommunalområdet, og som kan vise til god leiarerfaring med dokumenterte gode resultat.

Vi ønsker handlekraft og engasjement i form av gjennomføring av politiske vedtak, aktiv deltaking i kommunedirektøren si toppleiargruppe, gjennom å skape nye innovative løysingar og relasjonsbygging.

Vi tilbyr spanande og utfordrande oppgåver i ein kommune med dyktige medarbeidarar og godt samspel mellom politikk og administrasjon. Løn og øvrige vilkår etter nærare avtale. Vestnes kommune har eigen leiaravtale.

Tilsetjingsvilkår

Det vert trekt 2 % av løna i pensjonsinnskot. Prøvetida er 6 månader i faste stillingar. Aktuelle søkarar blir innkalla til intervju. Det kan bli krevd politiattest, ved tilsetting skal ikkje denne vere eldre enn 3 månadar.

Referansar

Oppgi referansar.

Søknad

Vestnes kommune nyttar elektronisk søknadsprosess. Attestar og vitnemål må difor takast med til intervju.

Søkarlista kan bli offentleggjort.