Økonomirådgjevar ved Det matematisk-naturvitskaplege fakultet

Økonomirådgjevar (prosjektøkonom)

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Rådgjevar (prosjektøkonom)

I fakultetsadministrasjonen (https://www.uib.no/matnat/57738/fakultetsadministrasjonen) ved Det matematisk-naturvitskaplege fakultet (https://www.uib.no/matnat) (MN-fakultetet) er det ledig stilling som  økonomirådgjevar.

Hos oss vil du jobbe tett på forsking og utdanning i eit mangfaldig og internasjonalt miljø. Fakultetet har om lag 1000 tilsette, 4000 studentar og eit budsjett på om lag 1,3 milliard kroner. Forsking og undervisning skjer på institutt og i sentre.

Økonomiseksjonen ved MN-fakultetet har om lag 25 medarbeidarar som sit samla i Realfagbygget og er delt inn i tre temagrupper; totaløkonomi, generell økonomi og prosjektøkonomi. Oppgåva er å levere økonomitenester og  -støtte til fakultetet og alle institutt og sentre knytt til fakultetet. Den utlyste stillinga er knytt til temagruppa prosjektøkonomi.

Vi ynskjer å rekruttere ein økonomirådgjevar til seksjonen. Seksjonen har ein todelt økonomi, med ein del bevillgingsøkonomi, og ein del med eksternt finansierte prosjekt. Prosjekta er for det meste forskingsprosjekt og dei største finansieringskjeldene for prosjekta er Forskningsrådet og EU.

Vi søkjer ein sjølvstendig, strukturert og omgjengeleg medarbeidar med god økonomiforståing. Som tilsett vil du jobbe i ein høgt kompetent og inkluderande miljø og få varierte og sjølvstendige

Arbeidsoppgåver:

Døme på arbeidsoppgåver for ein økonomirådgjevar:

• budsjettering og oppfølging/analyse av budsjett og rekneskap
• oppretting, oppfølging og avslutting av prosjekter
• rapportering til instituttleiing, prosjektleiar, finansieringskjelder og andre
• leiarstøtte og rådgjeving i økonomispørsmål
• opparbeiding av særskilt kompetanse innan seksjonens ulike fagområde
• sakshandsaming
• kvalitetssikring og vidareutvikling av rutinar og arbeidsmetodar innan fagfeltet
• bidra til å styrke det administrative samarbeidet internt på fakultetet og med institutta.

Kvalifikasjonar og eigenskapar:

• Søkjarar bør ha utdanning på masternivå med relevante fag i fagkrinsen, eller relevant utdanning på bachelornivå med gode resultat og relevant praksis.  Nyutdanna kan og vurderast, dersom utdanninga er spesielt relevant for stillinga.
• God administrativ IT-kompetanse, særskilt innan Excel er ein føresetnad.
• Relevant erfaring med prosjektarbeid og støtte til ekstern prosjektinnhenting er ein føremon.
• Kjennskap til og erfaring frå universitetssystem eller annan høgare utdanning/forvaltning er ein føremon.
• Søkjarar bør ha relevant praksis innanfor stillinga sine ansvarsområde.
• Søkjarar må ha gode skriftlege og munnlege ferdigheitar i norsk og engelsk.

Personlege eigenskapar
Vi søkjer ein person som

• er fleksibel, strukturert, målretta og har god gjennomføringsevne
• har analytiske eigenskapar og nødvendig presisjon i arbeidet
• har gode kommunikasjons- og samarbeidsevner, samt evne til å arbeide sjølvstendig og ta ansvar innan eige ansvarsområde
• er initiativrik i høve til nye arbeidsmåtar, system og rutinar
• er serviceinnstilt, resultat- og løysingsorientert

Ved vurdering av søkjaren vil vi legge stor vekt på dei personlege eigenskapane som er naudsynte for stillinga.

Vi kan tilby:

• spanande og utviklande arbeidsoppgåver i eit sterkt fagmiljø
• løn som rådgjevar (kode 1434) med ei årslønn mellom kr 570 000 og kr 700 000, avhengig av erfaring og kvalifikasjonar. For særskilt kvalifiserte søkjarar kan det vurderast høgare løn.
• kompetanse- og karriereutvikling med eit allsidig kurstilbod innan økonomi og prosjektadministrasjon
• fleksibel arbeidstid med moglegheit for noko heimekontor
• medlemsskap i Statens pensjonskasse
• gode velferdsordningar (https://www.uib.no/foransatte/17399/velferd)

Generell informasjon:

Utfyllande opplysningar om stillinga kan ein få ved å vende seg til: kontorsjef Hanne Litleskare Hammer telefon 55 58 27 62 / e-post hanne.litleskare.hammer@uib.no eller seksjonssjef Trine Gravdal Lie telefon 55 58 26 80 / e-post trine.lie@uib.no. 
For HR-relaterte spørsmål, ta kontakt med Eva Beate Hårklau, eva.harklau@uib.no.

Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning. Personar med innvandrarbakgrunn og personer med nedsett funksjonsevne blir oppmoda om å søkje stillinga.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Søknad, CV og vedlegg sendes elektronisk via lenke på denne sida.

Nærare om tilsettingsprosessen her (https://www.uib.no/hr/74251/ansettelsesprosessen).

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Det matematisk-naturvitenskapelige fakultet består av sju institutt og en rekke sentre. Les meir om fakultet og tilhøyrande institutt.