Rådgjevar Sirkulær økonomi

Vil du vere med å utvikle ein sterkare sirkulær økonomi i Vestland? Det er eit stort potensial for fleire og betre sirkulære løysingar både i næringslivet og offentleg sektor, mellom sektorar. Da må vi samarbeide på tvers av bedrifter, næringslivsaktørar, forskingsmiljø, utdanningsinstitusjonar og kommunar. Og det må gjerast i samspel med det som skjer i resten av Noreg og ikkje minst i EU. Det er mange aktørar som jobbar på dette feltet. Vestland fylkeskommune har eit særleg ansvar for å setje retning, mobilisere og koordinere.

Dette treng vi di hjelp til. Iseksjon for forsking, kompetanse og internasjonalisering har vi ledig stilling som rådgjevar på dette feltet.

Arbeidsoppgåver

• Vere i dialog med og kople aktørar som jobbar med sirkulære løysingar (og styrke det regionale økosystemet for sirkulær økonomi)
• Bidra til å utvikle nettverk og arenaer som fremjar samarbeid om sirkulærøkonomi
• Etablere eit felles kunnskapsgrunnlag om status for arbeidet med sirkulær økonomi i Vestland
• Delta i arbeidet med å få fram meir forsking og utvikling om sirkulær økonomi og -løysingar
• Avklare behovet for kompetanse på sirkulære løysingar i næringslivet og kommunane
• Delta i internasjonale forum og følgje med på utviklinga på feltet
• Avdekke behov og bidra til utvikling av relevante verkemidlar
  
• Arrangere konferansar og samlingar

Kvalifikasjonar

• Minimum mastergrad
• Kunnskap om sirkulærøkonomi opparbeidd gjennom utdanning og/eller praksis
• Kjennskap til regionale innovasjonssystem
• Kjennskap til forskings- og utdanningssektoren
• God kunnskap om næringslivet i Vestland
• Erfaring med å leie prosessar og kople aktørar
• God kunnskap i norsk og engelsk

Personlege eigenskapar

• Sjølvstendig og initiativrik
• Gode relasjonelle eigenskapar
• Evne til å kommunisere med ulike grupper og byggje nettverk
• Evne til å ta ei heilskapleg tilnærming og sjå tematiske koplingar
• Gode analytiske evner
• Evne til å raskt setje seg inn i nye fagområde

Kvifor skal du velge oss?

• Hos oss får du faglege utfordringar og personleg utvikling i eit sterkt tverrfagleg miljø. Vi har rammer somsikrar deg ein fornuftig balanse mellom jobb og fritid: du får fleksitid, betalt overtid og sommartid.
• Vi er IA-bedrift med gode forsikrings- og pensjonsordningar.
• Vi veit at mange ønsker seg ein fleksibel arbeidskvardag med moglegheiter for å veksle mellom å jobbe heimanfrå og møtast på kontoret. Det vil vi sjølvsagt legge til rette for.
  

Her kan du bli betre kjent med oss: Jobb og karriere i Vestland fylkeskommune
Har du spørsmål eller berre lyst å høyre meir om jobben? Ikkje nøl med å ringe, vi fortel gjerne.

Andre opplysningar:

• Arbeidsstad i Bergen, Leikanger eller på Stord
• Administrasjonsmålet i fylkeskommunen er nynorsk
• Alle nytilsetjingar vert gjort med ei prøvetid på 6 månader

Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.