Ferievikar 2024 - Sjukepleiar, vernepleiar, studentar innan sjukepleie, helsefag m.m.

Vil DU bli vår kollega til sommaren? Vi treng deg som er motivert til å gjere det beste for våre pasientar og deira pårørande. Vi ønskjer deg velkomen som søkjar, og vil gjere vårt beste for at du skal trivast.

Klinikk for psykisk helse og rus treng ferievikarar til ulike stillingar sommaren 2024. Vi treng sjukepleiarar, vernepleiarar, miljøterapeutar, miljøarbeidarar,helsefagarbeidarar, sosionomar, politi, barnevernspedagog, barne- og ungdomsarbeidar, pleieassistentar, medisinstudentar med lisens og studentar innan sjukepleie, vernepleie,politi,psykologi og helse- og sosialfag.

Det er behov ved desse seksjonane i perioden f.o.m. veke 22 t.o.m. veke 34:

• Akutt psykisk helse team A og B
  
• Døgnseksjon PHBU Molde og Ålesund
• Lokal sikkerheitspsykiatri HMR
  
• Utgreiing og behandling psykisk helse Ålesund
• Ambulante tenester akutt og ACT psykisk helse DPS Ålesund

Informasjon til søkjaren
Tilsetjing vil skje fortløpande. Som ferievikar vert du fordelt etter klinikken sitt behov. Dersom du har jobba hos oss tidlegare, er det fint om du kan spesifisere kvar og når i søknadsteksten din. Av søknaden må det kome fram kva tid i den aktuelle perioden du kan arbeide. Ein må pårekne å arbeide annankvar helg. Det kan påreknast ei til to veker opplæring i forkant av ferieperioden. Vi ber om at attestar og vitnemål scannes og lastas opp som vedlegg til din CV.

Kvalifikasjonar

• Må beherske norsk skriftleg og munnleg

Personlege eigenskapar

• Du er engasjert, fleksibel og har godt humør
• Du må kunne samarbeide på tvers av faggrupper
• Du har gode evner til etablering av relasjonar med pasientane

Vi tilbyr

• Høgt fagleg nivå
• Triveleg arbeidsmiljø
• Ein inkluderande arbeidsplass
• Løn i henhold til gjeldande overeinskomst
  

For meir informasjon om vår region, sjå Visit Møre og Romsdal

Vil du gjere ein forskjell? Vi i Helse Møre og Romsdal (HMR) gir spesialisthelsetenester til alle innbyggjarane i fylket. Med våre omlag 6500 tilsette er vi ein skapande og nytenkande organisasjon som kvar dag står på for at pasientane skal få best mogleg helsetenester. Vi har ei leiande rolle innan forsking og utdanning, og har sterke fagmiljø knytt til teknisk drift, økonomi og HR. Sjukehusa i HMR er i Volda, Ålesund, Molde og Kristiansund. Nytt felles akuttsjukehus for Nordmøre og Romsdal  er under bygging på Hjelset i Molde kommune, og skal stå klart for innflytting våren 2025. I Kristiansund vert det vidare eit breidt spesialisthelsetenestetilbod med poliklinikk, dagbehandling og dagkirurgi. I tillegg har vi behandlingsinstitusjonar innan rehabilitering, psykisk helsevern og rusbehandling. Det vert lagt til rette for gode og inkluderande arbeidsmiljø prega av openheit og respekt. Vi vil at våre tilsette skal spegle mangfaldet i befolkninga. Difor oppmodar vi alle som er kvalifiserte til å søkje hos oss, uavhengig av kjønn, alder, funksjonshemming, nasjonal eller etnisk bakgrunn. Det same gjeld om du har hatt eit lengre opphald i arbeidslivet. Helse Møre og Romsdal er underlagt offentleglova. Vi arbeidar for meiroffentlegheit, og søkarlista til stillinga kan bli offentleggjort. Ein kan be om unntak frå offentleg søkarliste. Unntak skal grunngjevast frå søkar si side. Arbeidsgivar vil vurdere ei slik oppmoding, og søkar vert kontakta om oppmodinga ikkje vert tatt til følgje.

Uansett kva stilling du vert tilsett i, så skal vi bidra til at du får utvikle deg og kompetansen din. Bli med på laget! For meir informasjon om helseføretaket, sjå Helse Møre og Romsdal