Rådgjevar

Det er ledige stilling for sjukepleiar i Folkehelseavdelinga med arbeid innan miljøretta helsevern, smittevern og samfunnsmedisinsk rådgjeving/folkehelsearbeid frå 2. januar 2024.
 
Kinn kommune er vertskommune for eit interkommunalt samarbeid med ni kommunar i Sunnfjord, ytre Sogn og Nordfjord. Folkehelseavdelinga utfører tenester for Askvoll, Bremanger, Fjaler, Hyllestad, Høyanger, Solund, Stryn og Sunnfjord kommune. For meir informasjon om Folkehelseavdelinga sjå; www.folkehelseavdelinga.no.
 
Avdelinga har 2,7 årsverk og er organisert i stab hos kommunedirektøren i Kinn kommune. Avdelinga består i dag av fire legar og ein sjukepleiar. Søkar må ha helsefagleg utdanning som sjukepleiar.

Arbeidsoppgåver

Arbeidsoppgåvene vil vere varierte men vil i hovudsak omfatte saksbehandling og vedtak etter gjeldande regelverk innan miljøretta helsevern, smittevern og samfunnsmedisinsk rådgjeving/ folkehelsearbeid, samt medverknad i planarbeid. Til stillinga er det òg lagt ansvar for Kinn kommune sitt tuberkulosearbeid, og sertifiseringa av skip som seglar i internasjonalt farvatn.

Kvalifikasjonar

Sjukepleiar med relevant tilleggsutdanning på minimum bachelornivå.

Personlege eigenskapar

Søkar må ha kunnskap og interesse for dei faktorar i miljøet som kan ha innverknad på helse, og helst erfaring med arbeidsoppgåvene som ligg til avdelinga. Erfaring frå folkehelsearbeid og førebygging er ein fordel, samt kunnskap om kommunal saksbehandling. Du må ha gode samarbeidsevner, vere sjølvstendig og like utfordringar. Du må like informasjons-og rettleiingsarbeid i både mindre og større grupper. Søkar må ha sertifikat for personbil. Grunna avstander må noko reising påreknast.

Vi tilbyr

Vi kan tilby varierte og utfordrande arbeidsoppgåver i eit godt fagleg og sosialt arbeidsmiljø. Løn etter avtale- etter lov og avtaleverk i Kinn kommune. Kompetanselønn. Kontorstad er i Florø. 

Kontaktinformasjon

Elisabeth Solheim, Leiar folkehelse, +47 97525814, elisabeth.solheim@kinn.kommune.no

Arbeidsstad

Strandgata 32

6905 Florø

Nøkkelinformasjon:

Arbeidsgivar: Kinn kommune



Referansenr.: 4718911866

Stillingsprosent: 100%

Fast

Søknadsfrist: 27.10.2023