4-årig prosjektstilling i 50% som prosjektleiar for Rocket-Man Vinje – 2. gongs utlysing

Brenn du for ungdom som treng ei støttande hand?

Vinje kommune startar no opp med det 4-årige prøveprosjektet Rocket-Man Vinje. Dette vert ein lokal avdeling av det nasjonale prosjektet Rocket-Man. Prosjektet ynskjer å fange opp ungdom som står i fare for å falle utanfor fellesskapet, eller som strevar med å finne sin plass i livet. Me ser etter ein prosjektleiar som brenn for ungdommar som treng hjelp til å finne sine arenaer for meistring, og som kan bruke engasjementet sitt til å etablere Rocket-Man her i Vinje.

Kva er Rocket-Man?

Rocket-Man blei etablert av Eidanger idrettslag i Porsgrunn etter at ein ung lovande gut tok ei ufrivillig overdose. Det overordna målet for initiativet er å hindre at slike ting å skje igjen, ved å gje ungdomar som treng det ein hjelpande hand og eit støttande nettverk. Ungdomar som blir plukka ut til å vere med i Rocket-Man får ein aktivitetsguide som tar dei med på aktivitetar og kan samanliknast med ein god storesyster eller storebror og ein ansvarleg ven ein kan stole på.

Les meir om Rocket-Man her: https://rocket-man.no/

Leo Ajkic har laga ein episode i serien sin <> som gjev eit godt bilete av kva Rocket-Man er: https://tv.nrk.no/serie/rus/sesong/1/episode/5/avspiller

Kva ser me etter i deg?

Me ser etter ein erfaren person som kan koordinere spennande aktivitetar for ungdomar, vere god leiar for ei gruppe engasjerte aktivitetsvertart og vere ei trygg hamn for ungdomar som treng det.

Stillinga som prosjektleiar vil gå ut på å:

• ta initiativ til, utvikle og drive Rocket-Man i Vinje
• tilsetje og rettleie aktivitetsguidar
• samarbeide med ressursgruppe frå andre faginstansar
• vere kontaktperson for ungdom og føresette i prosjektet
• ha økonomisk ansvar for aktivitetane i regi av Rocket-Man
• hjelpe til med søknad og rapportering om tilskot og tilskotsordningar
• delta i nettverk med andre Rocket-man avdelingar
• vere ein del av verksemda kultur og fritid i Vinje kommune

Kvalifikasjonar:

• 3-årig bachelor innanfor pedagogikk, sosial- eller helsefag. Annan relevant bachelorutdanning eller realkompetanse kan vurderast
• Gode norskkunnskapar, både munnleg og skriftleg. Skriftspråket i Vinje kommune er nynorsk
• Gode digitale ferdighetar
• Førarkort klasse B og disponerer eigen bil

Erfaring:

• Erfaring frå arbeid med ungdom
• Erfaring med prosjektarbeid

Personlege eigenskapar:

• Du er ein lagspelar og relasjonsbyggjar
• Du er sjølvstendig, varm og trygg
• Du er engasjert, fleksibel og kan ta initiativ
• Du ser etter, og finn, det beste i ungdomen

Det leggast stor vekt på personleg eigenhet og motivasjon for oppgåvene i stillinga

Det er krav om politiattest for å bli tilsett i denne stillinga.

Me kan tilby

• Løn etter avtale
• Gode forsikrings- og pensjonsordningar
• Gode barnehagetilbod

I samsvar med offentleglova § 25 kan namn på søkjarane offentleggjerast.

Søknad vert å sende på elektronisk skjema, sjå Vinje kommune sine heimesider.

Velkomen som søkjar!