KYRKJELYDSPEDAGOG/TRUSOPPLÆRAR I HØYANGER

50 % stilling med ansvar for trusopplæringa

Stillinga er ledig frå og med 01.01.2024, og den som vert tilsett vil få ei utøvande rolle i realisering og vidareutvikling av den vedtekne trusopplæringsplanen for aldersgruppa 0-18 år. Kyrkjelydspedagogen vil utføre arbeidet sitt i samarbeid med trusopplæringsutvalet, sokneråda, soknepresten, diakon, kantor og andre lønna og ulønna medarbeidarar. Plan for trusopplæringa i sokna er vedteken og vil bli revidert i samarbeid med tilsett. Trusopplæringstiltaka er lokaliserte til alle sokna i Høyanger kommune, men med kontorplass på kyrkjekontoret i Høyanger. For nærare informasjon om kyrkja i Høyanger og arbeidet her, sjå: https://www.kyrkja.no/hoyanger

Arbeidsoppgåver:

· Fylgje opp og vidareutvikle lokal trusopplæringsplan.

· Saman med trusopplæringsutvalet ansvar for at tiltaka i trusopplæringsplanane, herunder konfirmantarbeidet, vert gjennomførte.

· Delta i gudstenester knytt til trusopplæringa.

· Delta i arbeid blant born og unge.

· Rekruttere og inspirere uløna medarbeidarar.

· Profilere trusopplæringsarbeidet i ulike medier.

· Rapportering.

Vi ynskjer ein person som

· Har interesse og engasjement for kyrkjeleg arbeid for born og unge.

· Har minimum 3-årig høgare utdanning med pedagogikk og/eller kristendom i fagkrinsen.

· Manglande utdanning kan kompenserast med relevant erfaring.

· Har kjennskap til Den norske kyrkja si verksemd.

· Har gode kommunikasjonsevner og norskkunnskapar og erfaring med sosiale medier.

· Kan arbeide sjølvstendig og systematisk.

· Har personlege eigenskapar som gjer ein skikka for stillinga (engasjement, kreativitet, formidlings- og samarbeidsevne).

Opplysningar om stillinga

· Løn etter kvalifikasjonar etter gjeldande tariffavtalar i KA sitt tariffområde.

· God pensjonsordning i KLP.

Anna

For nærare opplysningar om stillinga, ta gjerne kontakt med kyrkjeverje: Stig Jonny Fitje tlf. 917 63 803, e-post: sf729@kyrkja.no

Søknad med CV og kopi av vitnemål og attestar kan sendast på e-post eller post til: post.hoyanger@kyrkja.no eller Høyanger kyrkjelege fellesråd, postboks 159, 6991 Høyanger