Psykologspesialist i nevropsykologi

Avdeling for rehabilitering har ledig 60 % vikariat for nevropsykolog frå dags dato til 04.09.2024. Psykolog under spesialisering i nevropsykologi og psykolog med interesse for nevropsykologi oppfordrast også til å søke. Vedkommande vil då få rettleiing av vår nevropsykolog.

Avdeling for rehabilitering er ansvarleg for tverrfaglege og spesialiserte rehabiliteringstenester til pasientar i Helse Fonna sitt opptaksområde. Vi har døgnpost (9 plassar), poliklinikk (poliklinikk for fysikalsk medisin, rehabilitering og HelseIArbeid) og terapeuttenester som gir tilbod til pasientar innlagt ved akuttpostane ved Stord sjukehus. Det tverrfaglege teamet ved avdelinga består av legespesialist i fysikalsk medisin og rehabilitering, nevropsykolog, fysioterapeut, ergoterapeut, logoped, sjukepleiar og helsefagarbeidar.

Nevropsykologen utreiier og behandlar pasientar som har kognitiv svikt etter ervera hjerneskade. Nevropsykologen føl opp pasientar ved rehabiliteringsposten og på rehabiliteringspoliklinikken. Vi har testteknikkar som bistår nevropsykologen med testing. Elles har nevrospykologen tett samarbeid med ergoterapeutane og resten av det tverrfaglege teamet. 

I avdelinga for rehabilitering har vi 1 nevropsykologstilling. Nevropsykologen vår har 60 % permisjon frå stillinga si, og vi har derfor behov for deltidsvikar. Dersom søkjar ønsker å kombinere vikarstillinga med 40 % jobb ved habiliteringsavdelinga eller ved nevropsykologisk poliklinikk i Helse Fonna, vil vi undersøke moglegheita for å få til dette.

Avdeling for rehabilitering er lokalisert ved Stord sjukehus. Stord kan by på flott natur, småbyliv og eit rikt sports- og kulturtilbod. Stord ligg midt mellom Bergen og Stavanger.

Avdelinga vår er kjent for vårt gode arbeidsmiljø, og det er mange dyktige og engasjerte medarbeidarar i det tverrfaglege teamet vårt. Bli betre kjent med oss på Instagram, "fysmedstord".

Velkommen til å søke på stilling hos oss!

   

Arbeidsoppgåver

• Nevropsykologisk testing
• Førarkortvurdering
• Meistringsorienterte samtalar med pasient
• Samarbeid i tverrfagleg team
• Informasjon og rettleiing til pårørande

Kvalifikasjonar

• Norsk autorisasjon som nevropsykolog. Norsk autorisert psykolog under spesialisering i nevropsykologi og andre psykologar med interesse for nevropsykologi kan også bli vurdert til stillinga. 
• Erfaring frå avdeling for fysikalsk medisin og rehabilitering/ spesialisthelsetenesta er ein fordel.
• Grunnleggande IKT-kompetanse
• Kunnskap om EPJ og andre fagsystem
• Gode språkkunnskapar og kommunikasjon er heilt avgjerande for forsvarleg pasientbehandling. Søkjar må kunna norsk munnleg og skriftleg. Søkjar med anna morsmål enn norsk må ha bestått Bergenstesten eller anna norsktest på B2-nivå. Dokumentasjon må leggast ved søknad.

Personlege eigenskapar

• Gode kommunikasjons- og samarbeidsevner
• Ansvarsbevisst
• Engasjert
• Kunne jobbe strukturert og effektivt
• Gode datakunnskapar
• Å vere personleg eigna for stillinga vil bli vektlagt

Vi tilbyr

• Høgt fagleg nivå
• Lønn i samsvar med gjeldande overeinskomst
• Gode pensjons- og arbeidsforsikringar
• Godt tverrfagleg samarbeid
• Godt arbeidsmiljø

Mangfaldserklæring
Helse Fonna ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Helse Fonna ønskjer å leggje til rette for inkluderande rekruttering.

Kontaktinformasjon

Marianne Hollund Espeland, Avdelingsleiar, +47 4795234329, marianne.hollund.espeland@helse-fonna.no

Arbeidsstad

Tysevegen 64

5416 STORD

Nøkkelinformasjon:

Arbeidsgivar: Helse Fonna HF



Referansenr.: 4714671371

Stillingsprosent: 60%

Vikariat

Startdato: 13.11.2023

Sluttdato: 08.09.2024

Søknadsfrist: 29.10.2023