Spennande stilling i krafthandelsavdelinga

Spennande stilling i krafthandelsavdelinga

Tussa vil styrke krafthandelsmiljøet og søkjer etter deg med solid IT kompetanse og bakgrunn frå prosessflyt/programmering/software. Du vil inngå i teamet saman med produksjonsplanleggjar, trader og analytikar i tillegg til avdelingsleiar. Du vil vere ein ressurs for heile avdelinga og må kunne samarbeide godt på tvers. Medarbeider blir involvert og må kunne gå inn i teamet i samband med beredskap og backupfunksjonar utanfor eige ansvarsområde.

Mykje av arbeidet vil vere knytt til digitalisering og automatisering innan prognosar og krafthandel samt tilhøyrande aktivitetar. Aktuelle arbeidsoppgåver vil vere:

• Digitalisering/automatisering
• Bruk av maskinlæring/KI
• Implementering av algoritmehandel
• Prosessutvikling, betre dataflyt mellom ulike fagsystem
• Kontaktpunkt og samhandling med aktuelle programvareleverandørar
• Dokumentasjon av prosedyre og eige arbeid
• Balanseavrekning for krafthandel

Kvalifikasjonar

• 3-5 år med høgare utdanning. Relevant erfaring kan kompensere for utdanningskravet
• Programmeringskunnskap 
• Gode norsk og engelskkunnskapar; både skriftleg og munnleg
• Av omsyn til kjønnsbalansen i selskapet oppmodar vi kvinner til å søkje

Personlege eigenskapar vil verte vektlagt 

Vi tilbyr

• Interessante og utfordrande arbeidsoppgåver i eit solid selskap med høg aktivitet
• Eit uformelt arbeidsmiljø som legg vekt på personleg utvikling, sjølvstende og trivsel
• Gode velferds -, pensjons - og forsikringsordningar

Kontaktinformasjon

For fleire opplysingar kan du kontakte avdelingsleiar Krafthandel; Tor Wilhelm Havåg på mobil 91 85 25 47 eller Anders Eidså ingeniør Kraftverksseksjonen 93 26 32 42.

Spørsmål om stillinga

Tor Wilhelm Havåg

Avdelingsleiar Krafthandel

91852547tor.havaag@tusssa.no

Tussakonsernet
Tussa er eit konsern på Nord-Vestlandet med over 250 medarbeidarar. Konsernet femnar om forretningsområda energi, IKT og installasjon og har ei årleg omsetning på om lag 1 mrd. kr.

Tussa har stort miljøfokus og er miljøsertifisert etter ISO 14001:2015 standarden.

Konsernet sitt hovudkontor ligg i Ørsta – i hjartet av Sunnmørsalpane med fantastiske høve for friluftsaktivitetar.

Tussa Energi
Tussa Energi AS er eit dotterselskap i Tussakonsernet. Selskapet planlegg, bygg ut og driv kraftverk, samt kjøper og sel kraft i kraftmarknaden. Tussa Energi driv og held ved like 29 kraftverk og eit biobrenselanlegg. Selskapet har hovudkontor i Ørsta og har om lag 20 tilsette.