Rådgjevar ved UiB Videre

Rådgjevar ved UiB Videre

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Om stillinga

UiB søkjer ein utadretta og oppsøkjande rådgjevar i arbeidet med å tilby livslang læring, kompetanseheving og kunnskapsoverføring til samfunnet gjennom forskingsbaserte og fleksible etter- og vidareutdanningar.

Stillinga er plassert ved UiB Videre, som er den sentrale eininga for etter- og vidareutdanning ved UiB. Eininga er lokalisert i Media City Bergen.

Arbeidsoppgåver:

• Bidra til å utvikle nye etter- og vidareutdanningstilbod i samarbeid med fagmiljøa ved UiB og eksterne aktørar
• Rådgjevaren vil ha utstrekt samarbeid med arbeids- og næringsliv i offentleg og privat sektor
• Rådgjevaren skal rettleie fagmiljøa i korleis nye tilbod kan utviklast og etablere gode og berekraftige samarbeidsflater med eksterne aktørar 

Kvalifikasjonar og eigenskapar:

• Høgre utdanning på masternivå. Relevant realkompetanse kombinert med relevant etter- og vidareutdanning kan i nokre tilfelle kompensere for utdanningskravet
• Har allereie eit etablert nettverk innan arbeids- og næringsliv, og er god til både å skape, vedlikehalde og ta i bruk slike nettverk
• Har kunnskap og erfaring med arbeidslivets behov for kompetanse
• Solid evne til å arbeide både sjølvstendig og samhandlingsorientert
• Prosjektleiarerfaring med vekt på innovative løysingar, prosjekt- og porteføljestyring
• Det er ein fordel om du har prosjektøkonomisk kunnskap og erfaring med anbods- og søknadsprosessar
• Det krevst gode språkkunnskapar og god evne til å kommunisere munnleg og skriftleg

• God arbeidskapasitet, fleksibilitet, gjennomføringsevne, personleg dugleik og solide samarbeidsevner vil verta vektlagd

Vi kan tilby:

• Ein stimulerande og utfordrande arbeidskvardag med høg grad av sjølvstende
• Å bidra til å utvikle UiB Videre som ei sentral eining ved UiB og realisere målsetjingane for livslang læring
• Faglege utfordringar med gode høve for personleg utvikling og kompetanseutvikling
• Stilling som rådgjevar (kode 1434), med årsløn kr 692 400 - 796 600 , avhengig av kvalifikasjonar. For særleg kvalifiserte søkjarar kan det vere aktuelt å vurdere høgare løn
• Fleksibel arbeidstidsordning. Noko reiseaktivitet må påreknast
• Gunstig pensjons- og forsikringsordning gjennom Statens pensjonskasse med mellom anna eit av marknadens billegaste bustadlån
• Gode velferdsordningar (https://www.uib.no/foransatte/17399/velferd)

Generell informasjon:

Utfyllande opplysningar om stillinga kan ein få ved å vende seg til:  underdirektør Bo Byrkjeland (bo.byrkjeland@uib.no), telefon: (+47) 482 80 862

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her (https://www.uib.no/hr/74251/ansettelsesprosessen).

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.Sentraladministrasjonen gjev råd og bistand til leiing og fakultet ved Universitetet i Bergen. Sentraladministrasjonen er organisert i sju avdelinger. Les meir om studieadministrativ avdeling her.