Kontaktpersonar og familierettleiar 

Me har fleire tilsette hos oss som er gravide og skal ut i permisjon. Me søker av den grunn etter fire nye kollegaer til barnevernstenesta vår. Det er eit ledig vikariat i tiltaksavdelinga, to vikariat i omsorg og eit vikariat i mottak, undersøking og oppfølging.

Barnevernstenesta består av tre avdelingar med totalt ca 30 tilsette: mottak, undersøking og oppfølging, omsorgsavdeling og felles tiltaksavdeling. Mottak, undersøking og oppfølging følger opp hjelpetiltak i heimen, medan omsorg følger opp barn og unge som er plasserte i fosterheim, på institusjon eller mottar ettervern. Tiltaksavdelinga som er felles for jærkommunane Time, Klepp og Hå driv med rettleiing og kurs/grupper.
Me gjev hjelp og oppfølging etter Lov om barnevern, me har eit godt arbeidsmiljø og arbeider hardt for å gje gode tenester til dei me samarbeider med.

Ved interne omrokkeringar kan det verta ledig andre vikariat.

Arbeidsoppgåver

Som kontaktperson i omsorg og mottak, undersøking og oppfølging er arbeidsoppgåvene saksbehandling og fagleg oppfølging av barnevernssaker etter lov om barnevern. Barna me har kontakt med bur både heime med foreldra sine, på institusjon, i fosterheim eller mottek ettervern.

Som familierettleiar er arbeidsoppgåvene terapeutiske samtalar med barn, unge, familiar, herunder foreldrerettleiing, samt målretta praktisk- og miljøterapeutisk rettleiing. Tiltaksavdelinga rettleier fosterfamilier, har kurs, grupper og undervisning, og er tilsyn og rettleier foreldre i forbindelse med samvær. Det må påreknast kveldsarbeid inntil to kveldar per veke.

Arbeidsoppgåver som er felles i alle avdelingane er:

• kontakt og samarbeid med barn, foreldre, fosterforeldre og samarbeidande instansar
• forvaltningsoppgåver og skriftleg dokumentasjon etter lov om barnevern
• representera barnevernstenesta i saker for barnevernsnemnd eller i rettsinstansar
• delta i barnevernstenesta sitt utviklingsarbeid
• aktivt bidra til eit trygt og positivt arbeidsmiljø og kollegafelleskap
  

Kvalifikasjonar

• barnevernspedagog eller sosionom. Anna 3-årig sosialfagleg utdanning kan vurderast saman med erfaring innan fagfeltet eller med relevant vidareutdanning og/eller mastergrad. Kompetanse og erfaring frå barnevernsarbeid vil verta vektlagt
• krav om erfaring frå arbeid med barn og unge og menneske i krise
• det er ønskeleg med relevant vidareutdanning eller relevant mastergrad
• som kontaktperson er det ønskeleg med erfaring frå kommunal barnevernsteneste, mens det i stilling som rettleiar er ønskeleg med erfaring frå rettleiingsarbeid
• du kan formulera deg godt skriftleg og munnleg
• du har førarkort klasse B (manuell gir)
• krav om gyldig politiattest før tiltreding
  
  Til vikariat som familierettleiar er det fint om du har ein av følgande sertifisering; COS-P, rePULSE, DUÅ eller PMTO

Personlege eigenskapar

• evne til god og tillitsfremjande kommunikasjon med menneske i vanskelege livssituasjonar, kollegaer og samarbeidsinstansar
• du har gode relasjonelle evner og er trygg på deg sjølv og dine faglege evner
• du er raus, ydmjuk, tydeleg og verdset samarbeid
• du er rik på initiativ, er engasjert og løysingsorientert
• du har evne til målretta, systematisk og metodisk arbeid
• du har evne til fagleg og etisk refleksjon
• du har stor arbeidskapasitet
• du er lærevillig, robust og tåler eit variert og høgt arbeidstempo
  
  I tillegg ønsker me kollegaer som held seg oppdatert innan lovverk, rutinar og strategisk og fagleg retning i barnevernstenesta. Du bidreg til godt og trygt arbeidsmiljø, medarbeidarskap og felles kultur og du har erfaring frå arbeid med traumeutsette barn/menneske i vanskelege livssituasjonar.
  Me legg vekt på at du er eigna i stillinga.
  

Me tilbyr

• ei spennande og utfordrande stilling i eit fagfelt i utvikling
• engasjerte og dyktige kollegaer
• godt arbeidsmiljø
• gode pensjonsordningar i KLP
• fleksitid
• lønn etter tariff

"Me skal gjera kvarandre gode" er leveregelen for oss som jobbar i Time kommune.

Me bruker innovasjon for å utvikla og forbetra tenestene i lag med brukarane. Time kommune skal vera ein trygg og framtidsretta kommune for innbyggarar, besøkande og næringsliv. Time kommune har ca. 18 900 innbyggarar og ligg midt på Jæren, med Bryne som regionssenter og haldeplass for Jærbanen.

Time kommune er opptatt av mangfald og me oppmodar derfor alle som er kvalifiserte til å søka hos oss, uansett alder, kjønn, etnisitet, religion, funksjonsevne, seksuell orientering og kjønnsidentitet. Me gjer merksam på at opplysningar om søkaren kan verta offentleggjort, sjølv om ein har bede om å bli unntatt offentlegheit. Søkar vil verta varsla før offentleggjering.