Psykologspesialist/Psykolog

Har du lyst til å arbeide med spesialisert rusbehandling i eit godt og fagleg utviklande miljø? Vi har ledig stilling som psykolog/psykologspesialist i vår poliklinikk ved Avdeling for rusmedisin (AFR)!

Poliklinikk Murhjørnet held til i moderne lokale i Bergen Sentrum, og tilbyr tverrfagleg spesialisert behandling for menneske med ruslidingar og avhengigheits-problematikk, ofte i kombinasjon med psykiske lidingar (ROP tilstandar). Vi tilbyr behandling både individuelt og i gruppe. Vi gjev òg tilbod om musikkterapi, nettverks- og pårørandeoppfølging. Poliklinikken gjev tilbod til pasientar frå 15 år og oppover. Poliklinikken har fast samarbeid med "Jobb først" (IPS) konsulentar, som held til i poliklinikken og tilbyr arbeidsretta oppfølging.

Poliklinikken er del av Avdeling for rusmedisin, som er landets største eining innan tverrfagleg spesialisert rusbehandling (TSB) og som og har behandlingstilbod i form av mellom anna ambulant behandling, legemiddelassistert rehabilitering (LAR) og ulike døgnbehandlingstilbod. Avdelinga har eigen forskingsseksjon med ei rekke spennande prosjekt.

I stillinga som psykolog/psykologspesialist i poliklinikken vår vil du ta del i tverrfagleg team, beståande av psykologar, legar/rusmedisinarar, kliniske sosionomar, spesialsjukepleiar, vernepleiar, musikkterapeut og erfaringskonsulent. Du vil her vere del av eit sterkt fagmiljø av dyktige og engasjerte medarbeidarar, i eit godt og inkluderande arbeidsmiljø. Til saman er det ca 40 årsverk knytta til poliklinikken.

Det er godt lagt til rette for samarbeid og drøftingar i dei enkelte pasientforløpa. Fleire av dei tilsette er i ulike vidareutdanningar, og for ikkje-spesialister vert det lagt til rette for relevant spesialisering. Det er regelmessig internundervisning, faste fag- og forskingsdagar og avdelinga legg òg til rette for både individuell vidareutdanning og felles kompetanseheving.

Arbeidsoppgåver

• Utgreiing og behandling av rusmiddelavhengige, dette ofte i kombinasjon med psykiske helsetilstandar. Samhandling og rettleiing av samarbeidspartnarar internt og eksternt mot kommunale tenester
• Poliklinikken er opptatt av å utvikle differensierte tenester, mellom anna har vi fleire tilbod om gruppetilbod (m.a grupper i traumestabiliserande behandling og tilbakefallsførebyggingar). Det blir lagt til rette for fordjuping knytta til deltaking i poliklinikkens spesialiserte tilbod. Deltaking i internt utviklingsarbeid og rettleiing er forventa

Kvalifikasjonar

• Erfaring med arbeid innan rusbehandling og psykisk helsevern vil vere ein fordel, men ingen føresetnad. Nødvendig rettleiing vil bli gitt
• Interesse for familie og nettverksarbeid er ønskjeleg
• Norsk autorisasjon som psykolog
• Særs gode kunnskapar i norsk, både munnleg og skriftleg

Personlege eigenskapar

• Bidrar positivt til eit fagleg og kollegialt godt miljø
• Trivast med å arbeide i eit tverrfagleg miljø og meistrar høgt tempo
• Har god fagleg vurderingsevne, arbeider målretta og strukturert
• Må kunne arbeide godt både sjølvstendig og i team
• Arbeider målretta og toler å stå i krevande situasjonar

Vi tilbyr

• Lønn etter avtale
• Gode pensjons- og forsikringsordningar
• Triveleg arbeidsmiljø
• Høgt fagleg nivå
• Fagleg og personleg utvikling
• Ein arbeidsplass som er ei inkluderande arbeidsliv-bedrift (IA-bedrift)

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Helse Bergen, Haukeland universitetssjukehus, har over 13.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.