Laboratorium- og kvalitetsansvarleg i Ægir Bryggeri

Beskriving:

Ægir Bryggeri jobbar kontinuerleg for å sikra kvaliteten på sine mange produkt og ynskjer å styrke dette arbeidet framover. Vår nyaste medarbeidar får ansvar for å bygge opp eit omfattande program for kvalitetssikring, med laboratoriumsarbeid som hovudfokus.

Arbeidsoppgåver: 

• Bygge eit effektivt kvalitetsstyringssystem basert på mikrobiologisk, fysisk- og smaksanalyser
• Utarbeide eit program for smaksanalyser og handsaming av produktbiblioteket
• Koordinere og gjennomføre oppgåver innan kvalitetssikringsarbeid
• Dagleg kalibrering av prøveutstyr
• Dagleg prøvetaking og analyser
• Registrere og rapportere prøveresultatar
• Utarbeiding, revidering, iverksetting av rutinar (dokumentasjon)
• Utføre hygieniske analyser av utstyr og overflater
• Oppfølging av reklamasjonar
• Avvikshandtering, oppfølging, og lukking
• Kontakt med leverandørar og eksterne laboratorium
• Innkjøp av utstyr og forbruksmateriell til lab
• Ansvar for vedlikehald og vidareutvikling av bryggeriets HAACP-dokumentasjon
• Ansvar for vedlikehald og vidareutvikling av bryggeriets IK-dokumentasjon
• Bidra til HMS arbeid
• Bryggerioppgåver elles etter behov                

Kvalifikasjonar:  

• Kandidaten må ha tilstrekkeleg kvalifikasjonar og utdanning, t.d. bioingeniør/biokjemikar/mikrobiolog/laborant el. liknande
• Vesentleg erfaring som laborant i næringsmiddelindustrien er ynskjeleg
• Interesse for øl og brygging og/eller erfaring med brygging er eit stort pluss
• Engelsk: flytande munnleg/skriftleg er eit krav
• Norsk: ikkje eit krav men ynskjeleg
• Må vere villig til å flytte og busetje deg i nærområdet Flåm/Aurland over ein lengre periode    

 

Personlege kvalitetar:

Du er ein person som er systematisk og organisert og du sette høge krav til kvalitet. Du er ryddig og har gode evner til å effektivt prioritere oppgåver og å finne praktiske løysingar. Du er ansvarsbevisst, initiativrik og sjølvstendig samstundes som du har gode kommunikasjonsevner og kan jobbe godt på lag.    

Andre opplysingar:

Denne er ei 100% stilling. Søkarar til stillinga bør inneha førarkort klasse B. Truck- og personløfter sertifikat er eit pluss. Dei første 4 månadane er prøvetid.  

Søknad (brev & CV) eller evt. spørsmål sendast til jobb@aegirbryggeri.no.

Ægir Bryggeri er blant dei første handverksbryggeri i Noreg og vart etablert i 2007. Dei siste åra har Ægir hatt stor suksess og utvikla seg til eit av Noregs fremste produsentar av spesialøl. Ølet er tilgjengeleg på mange sal - og skjenkestader i Noreg og i utlandet med stadig fleire på lista. Bryggeriet har utvikla mange spennande øl som har fått stor merksemd og vunne prisar i fleire år både heime og internasjonalt. Me består i dag av ein bryggeripub og eit heilt moderne produksjonsbryggeri og brenneri, og i 2016 tok vi eit stort steg for både ølet og miljøet ved å vere fyrste i Noreg å tappe nesten heile portefølje på boks. Ægir bryggeri er i vekst og treng fleire flinke medarbeidarar, teamet vårt består av både kvinner og menn frå fleire land.