Sjukepleiar / vernepleiar - 100 % vikariat

Ved Grantun bufellesskap er det ledig vikariat i 100 % som sjukepleiar / vernepleiar. Stillinga er ledig omgåande. Vikariatet gjeld fram til 31.08.2018, men kan bli forlenga.

Arbeidsstad

Grantun bufellesskap er ei avdeling for personar med psykiske vanskar. Grantun har 16 leilegheiter, krisehybel og fellesareal. Vi har som visjon å skape tryggheit, føreseielegheit og trivsel, samt gje rom for eigenutvikling.

Arbeidsoppgåver

Du skal yte eit heilskapleg og fagleg omsorgstilbod til tenestemottakarane. Arbeidet består i å yte brukarane den bistanden dei treng for å gjennomføre daglege gjeremål, ta del i sosiale aktivitetar og bli meir sjølvhjelpne. Målretta miljøterapi og oppfølging av ulike tiltak er sentrale arbeidsoppgåver.

Du må vere villig til å ta på deg hovudkontaktarbeid. Dette arbeidet inneber å følgje særskilt med ein tenestemottakar sine behov i høve økonomi, helse, dag- og fritidstilbod og hjelp til daglege gjeremål. Vidare må du rekne med å ta initiativ og arbeide aktivt saman med tenestemottakaren sine pårørande, familie, vener og hjelpeapparatet elles.

Stillinga er i turnus med ein variasjon av langvakter og ordinære vakter. Stillinga inneberer ordinære vakter kvar tredje helg.

Kvalifikasjonar

Autorisert sjukepleiar / vernepleiar med kjennskap til Profil. I tillegg har du erfaring frå målretta miljøarbeid med personar med psykiske vanskar. Du er medviten dine haldningar og prioriterer verdiar som respekt, lojalitet og etikk. Du har gode samarbeidsevner og er fleksibel. Vi legg vekt på å sette saman personalgruppa med størst mogleg kompetansebreidde og personlege kvalifikasjonar. Det vert lagt stor vekt på din kjennskap til brukargruppa og på dine personlege eigenskapar.

Utanlandsk utdanning må vere NOKUT godkjent.

Vi gjer merksam på at du må leggja fram politiattest.

Vi tilbyr

Faglege og personlege utfordringar i eit godt og inspirerande arbeidsmiljø.

Gode pensjons- og forsikringsordningar og løn etter avtale.

Slik søkjer du

Klikk på "søk på stilling" og følg vidare instruksjonar.

Eksterne søkjarar må oppretta brukarnamn og passord før dei loggar seg på første gang.

Tilsette i kommunen er allereie definert som brukar i systemet, og skal ikkje registere seg på nytt. Dersom du ikkje har internt brukarnamn og passord, kan du få dette tilsendt på e-post via funksjonen "Glemt brukernamn/passord" eller ta kontakt med personalkontoret.