Toppetasjen Høddvoll Panorama, høg standard - ALT INKLUDERT (unntatt mat)

Moderne og praktisk husvære til leige for ordensfolk med gode referansar, prisant. 11900 kr/mnd. inkludert ALT, også STRAUM/FJERNVARME. Vurderer også sal av seksjonen (prisant. 2,1 mill.). Noverande leigebuar er i ferd med å flytte, overtaking etter nærmare avtale.

Kodelås på hovudinngang til bygget og inngangsdør til seksjonen. Heis.

Stor takhøgde, lyst og triveleg og særs godt støyisolert. Eitt soverom, men stue kan stengast av med skillevegg for soverom nr. 2 (gjesterom). Utstyrt med kvitevarer frå Miele (toppmodellar), kvitt høgglans kjøken og premium kvalitetsseng (dobbel) frå Ekornes. Store skap med god lagringsplass i entré og soverom. Bod med høve for lagring/sykkelparkering i 2. etasje. Lyst og moderne flislagt bad med sjølvdoserande vaskemaskin frå Miele. Fiber/internett inkludert i leige.

Bygget ligg eit steinkast frå busstopp ved riksvegen til Hareid/Ørsta/Volda med Høddvoll stadion, Ulsteinhallen og Ulstein vidaregåande skule som nærmaste naboar. Kort veg til bedrifter og butikkar i Saunesmarka og ein liten spasertur til nærmaste daglegvarebutikk (Spar). Kan også fint spasere til Ulsteinvik sentrum, ev. sykle dit på ca. 2-3 minutt.

Høddvoll Panorama vart oppført i 2015 og fekk montert moderne kameraovervaking i 2022. Sameiget er velfungerande og praktiserer styregodkjenning av nye leigetakarar.