Osland Genetics søker etter driftsoperatør som vil vere med og forme verdas beste regnbogeaure

Som driftsoperatør hos Osland Genetics vil du vere med på å produsere stamfisk og rogn av regnbogeaure basert på våre eigne stammer, Ilsvåg-stamma og Osland-stamma. Begge stammene utviklast gjennom eit familiebasert avlsprogram i samarbeid med NOFIMA. Regnbogeauren vår veks raskt, er robust og ettertrakta som slaktefisk. Hos oss får du kjennskap med fisken i heile livssyklusen frå rogn til rogn. Vi held til på Osland Brygge i Bjordal og mesteparten av produksjonen til Osland er i og ved Sognefjorden. 

Arbeidsoppgåver

• Handtering av stamfisk

• Produksjon av rogn

• Fôring og stell av fisk

• Dagleg vedlikehald

• Teknisk tilsyn

• Journalføring og rapportering

Du blir ein del av eit team som jobbar tett saman for å utvikle framtidas aure. Du vil ha ein variert arbeidskvardag, der du håndterer stamfisk både i sjø og på land gjennom heile året. I rogneriet vil du ta del i befruktning og produksjon av rogn fram til levering til kunde. Du vil også delta i teknisk drift av anlegga våre. Vi søker deg som er engasjert, løysingsorientert og trivst med fysisk og variert arbeid, både inne og ute.

Kvalifikasjonar

• Fagbrev/utdanning innan akvakultur/anna relevant fag er ynskjeleg

• Erfaring kan vege opp for formell utdanning

• Teknisk og biologisk forståing

• Strukturert

• Evne til å arbeide sjølvstendig og i team

• Beherske norsk som arbeidsspråk munnleg og skriftleg

Vi tilbyr

• 100 % fast stilling

• Spennande arbeidskvardag i nye fasiliteter og godt arbeidsmiljø

• Varierande arbeidsoppgåver

• Sikker arbeidsplass i framtidsretta bransje

• Konkurransedyktige vilkår og gode pensjonsordningar

• Hjelp til å finne bustad i Bjordalsområdet

VELKOMMEN TIL TEAM OSLAND!

Osland AS er eit av landets eldste akvakulturselskap og har hovudkontor i Bjordal, ved Sognefjorden. Vi har omlag 70 tilsette og konsernet består av driftsselskapet Osland Havbruk AS, matfiskprodusenten Osland Seafood AS, genetikkselskapa Osland Genetics AS og Osland Genetics Leikanger AS og settefiskprodusenten Osland Settefisk AS. Saman utgjer dette ei heilskapleg verdikjede for Osland-auren.

Form the origin. Innovasjon, arv og framtida, alt startar på same stad, opphavet. I eit enkelt, lite rognkorn er standarden for havbruket sett. Osland har sidan 1963 utvikla og bevart Noregs eldste stamme av regnbogeaure og arbeida for optimale vekstforhold for fisk, rogn og smolt.