Engasjert karriererettleiar søkes til Spira utvikling

Vil du vere med og skape moglegheiter for andre?

Hos Spira utvikling jobbar vi kvar dag for å styrke menneske sine moglegheiter i arbeidslivet. No søkjer vi ein engasjert karriererettleiar i 60 % stilling som ønskjer å bidra til at fleire kjem ut i arbeid eller utdanning. Stillinga er mellombels på 2 år, med moglegheit for forlenging.

Søknadsfrist: snarast mogleg

Du vil jobbe tett med deltakarar med ulik bakgrunn, og vere ein viktig støttespelar i deira veg mot arbeid, meistring og utvikling.

Arbeidsoppgåver

• Individuell karriererettleiing og tett oppfølging av deltakarar

• Kartlegging av kompetanse, ressursar og mål

• Rettleiing i jobbsøkarprosessar (CV, søknad, intervju)

• Aktivt arbeid mot arbeidsgjevarar og næringsliv

• Byggje og vedlikehalde relasjonar og nettverk i regionen

• Samarbeid med NAV og andre samarbeidspartnarar

• Dokumentasjon, rapportering og skriftleg oppfølging av deltakarar – ein vesentleg del av arbeidet er rapportering til NAV

• Arbeide målretta for progresjon og overgang til arbeid eller utdanning

Kven ser vi etter?

Vi ser etter deg som:

• Helst har bachelor innan sosiale fag (til dømes sosialt arbeid, vernepleie eller liknande), men relevant erfaring kan kompensere

• Har erfaring med rettleiing, oppfølging eller arbeid med menneske i endring

• Har god kjennskap til arbeidsmarknaden og arbeidsgjevarar sine behov

• Er trygg i rolla di og jobbar sjølvstendig

• Er strukturert, målretta og oppteken av resultat

• Har gode relasjonelle ferdigheiter og evne til å motivere andre

• Har gode norskkunnskapar, både munnleg og skriftleg

• Har god digital kompetanse og trivst med å bruke digitale verktøy

Personlege eigenskapar vil bli tillagt stor vekt.

Kvifor jobbe hos oss?

Hos Spira Utvikling får du:

• Ein meiningsfull og variert arbeidskvardag i eit selskap i sterk vekst

• Engasjerte og kompetente kollegaer som spelar kvarandre gode

• Ein meiningsfull jobb der du gjer ein forskjell i menneske sine liv

• Eit inkluderande arbeidsmiljø

• Varierte arbeidsdagar med høg grad av sjølvstende

• Opplæring i metodar og verktøy innan arbeidsinkludering

• Moglegheiter for fagleg utvikling

For meir informasjon, ta kontakt med:

Carina Opedal Tiltaksleiar / fagansvarleg 919 23 488

Mail: carina@spirautvikling.no

Spira utvikling AS er ei arbeidsmarknadsverksemd eigd av Etne kommune og Vindafjord kommune, med om lag 70 tilsette.

Me driv vaskeri, transport og ei rekkje andre avdelingar – og er tiltaksarrangør for NAV innan varig tilrettelagt arbeid (VTA) og arbeidsførebuande trening (AFT).

Hos oss går produksjon og menneskeleg utvikling hand i hand.