Konsulent

Seksjon for Arkiv- og dokumenthandtering har ledig fast stilling som arkivkonsulent.

Helse Førde søkjer ein engasjert medarbeidar til oppgåver innan digital dokumentasjonsflyt, forvaltning og arkiv.

Seksjon for arkiv- og dokumenthandtering i Fag- og utviklingsavdelinga har mellom anna overordna ansvar for saksbehandlingssystemet Elements og det digitale arkivet. Seksjonen har ansvar for inn- og utgåande post, dokumenthandtering og digitalisering, samt forvaltning av dei fysiske arkiva i føretaket.

Stillinga som konsulent vil i hovudsak vere knytt til arbeid i Elements og digital dokumenthandtering.

Oppstart i stilling etter avtale.

Velkomen til Helse Førde!

Arbeidsoppgåver

• Utføre daglege oppgåver knytt til dokumenthandtering, postmottak og digital arkivering
• Gi opplæring og rådgjeving til saksbehandlarar i bruk av saksbehandlingssystemet Elements
• Vidareutvikle rutiner for dokumenthandtering, dokumentflyt og dokumentasjon i Elements
• Sikre at dokumenthandtering skjer i tråd med gjeldande regelverk og lovkrav
• Utføre oppgåver knytt til fysisk arkivforvaltning
• Bidra til andre oppgåver i seksjonen ved behov
  

Kvalifikasjonar

• Relevant utdanning innan arkiv- og dokumentasjonsforvaltning, digitalisering eller tilsvarande fagområde
• Relevant arbeidserfaring kan kompensere for manglande formell utdanning
• God IKT-kompetanse og erfaring i bruk av Windows og Office-pakken
• Erfaring med, og god forståing for, digitale saksbehandlingssystem og dokumentasjonsflyt
• Gode kunnskapar i norsk, både munnleg og skriftleg.
• Gjerne erfaring med rettleiing og undervisning

Personlege eigenskapar

• Gode samarbeids- og kommunikasjonsevner
  
• Serviceinnstilt og ansvarsmedviten
  
• Strukturert og nøyaktig
• Sjølvstendig, og trivst med å arbeide i team

Vi tilbyr

• Lønn i samsvar med gjeldande overeinskomst
  
• Gode pensjons- og forsikringsordningar
• Godt arbeidsmiljø

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på ca 4 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset. 

Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder,  fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.