Vil du arbeide ved skulen vår?

Om stillinga

Frå 01.08.2025 har me ledig avdelingsleiarstilling ved Eikanger skule. Saman med ny rektor,  vil du utgjere leiarteamet ved skulen. Stillinga er 100% mellombels , og inneheld både administrative oppgåver og undervisning. 

Felles visjon for skulane er; Ein plass for alle - læring og meistring  i fellesskap.

Med bakgrunn i prosess om skulestruktur i Alver kommune vil stllinga være mellombels for skuleåret 2026/2027

Om Eikanger skule

Eikanger skule er ein fådelt skule med 67 elevar plassert på Eikangervåg, berre 13 minutt frå Knarvik. Skulen ligg flott plassert langs Osterfjorden med god tilgang til skog, fjell og sjø. Sidan 2013 har Eikanger skule vore sertifisert som «Dysleksivenleg skule». Ved skulen er det lagt vekt på å skape eit inkluderande og støttande læringsmiljø for alle elevar.

Eit av dei viktigaste satsingsområda det siste året har vore innan språk, lesing og skriving. Skuleåret 2025-2026 har vi delteke på desentralisert ordning for kompetanseutvikling (dekomp), og hatt i eit samarbeid med Nasjonalt Lesesenter ved Universitetet i Stavanger. Språk, lesing og skriving er eit område vi vil jobbe vidare med det komande året gjennom samarbeid og erfaringsdeling i profesjonsfelleskapet.

Arbeidsoppgåver

Ønskjer du å arbeide med skuleleiing i eit triveleg og inspirerande arbeidsmiljø? Du vil vere med på å skape eit trygt, godt og inkluderande skulemiljø der elevane trivst og lukkast. 

Vi leitar etter deg, som kan tenkje deg varierte dagar, der du mellom anna: 

• er del av leiargruppa ved skulen 
• er aktivt med i utviklingsarbeid 
• har undervisning 
• har oppfølging av elevsaker og samarbeid med føresette 
• har ulike administrative oppgåver 

• stillinga kan få personalansvar for deler av tilsettgruppa

   

Kompetanse

• Vi ser etter ein avdelingsleiar med godkjent lærarutdanning og sterke faglege og didaktiske kunnskapar. 
• Du er ein tydeleg og strukturert person, som møter både elevar, føresette og tilsette på ein god måte. 
• Du må ha gode norskkunnskapar, og kunne uttrykkje deg godt, både skriftleg og munnleg. 
• Det er ein fordel om du har god kompetanse på IKT. 
• Det er ønskjeleg med leiarutdanning og/eller leiarerfaring

Me tilbyr

• Eit fagleg dyktig kollegium.
• Eit godt profesjonsfelleskap blant skuleleiarar
• Ein støttande og utviklingsorientert oppvekstsektor
• Leiaropplæring
• Løn etter avtale basert på utdanning og røynsle
• Gode pensjons- og forsikringsordningar
• Tilsetjing i samsvar med lov- og avtaleverk

Me er ein organisasjon i læring! 

Som ein del av arbeidet vert det forventa at du bidreg til ein læringskultur ved å dela kunnskap og utvikla deg i takt med endringar i samfunnet. Du heldt deg oppdatert på relevante arbeidsverktøy, arbeidsmetodar og aktivt tek ansvar for læring, samt fagleg og personleg utvikling. I oppvekst arbeider me med vår digitale kompetanse, og nyttar teams i vår informasjonsflyt. 

Me er Alver

Me får vere der frå aller fyrste stund, og me får følgje deg gjennom livet!

Video: https://www.youtube.com/watch?v=_xHE9zF24G4&ab_channel=Alverkommune

Politiattest 

I tråd med opplæringsl § 10- 9 vert det stilt krav om tilfredsstillande politiattest ved tiltrede

Alver kommune - Ein spennande organisasjon for engasjerte og kompetente medarbeidarar! 

Velkomen til Alver kommune, ein kommune som har vakse til å bli ein av dei største kommunane i fylket. Med om lag 30 000 innbyggjarar og 2 700 dedikerte tilsette, har vi eit sterkt samfunn som søkjer å løyse utfordringar og utvikle seg vidare. 

Vår plassering nord for Bergen gir oss privilegiet av ei variert og fascinerande natur. Frå rolege fjordar og opne havområde til majestetiske fjell og lokale toppar, byr Alver kommune på ei rekkje utandørs opplevingar. Me er også stolte av å huse verdas beste korps og vere vertskap for eit rikt kulturliv. 

Me verdset meiningsfulle oppgåver og ser på kvar einaste medarbeidar som ein verdifull bidragsytar til vårt viktige samfunnsoppdrag. Som ein del av vårt team vil du få moglegheita til å engasjere deg og bruke din kompetanse til å forme framtida til vår kommune. Me legg vekt på å skape eit arbeidsmiljø der du kan bløme og utvikle deg. Alver kommune har heiltidskultur som satsingsområde i heile organisasjonen.  

Bli med på vårt eventyr i Alver kommune, der me søkjer etter dedikerte og dyktige menneske som ønsker å vere ein del av vår felles suksesshistorie. Me ser fram til å ønskje deg velkommen og gi deg ei meiningsfull og givande karriere hos oss.