Er du vår nye jurist?

Klageinstans Bergen har ledig faste stillingar og vikariat, av inntil eit års varigheit, for juristar.

Klageinstans er ei avdeling i Arbeids- og velferdsdirektoratet. Vi er seks einingar spreidde i landet, leia av ei styringseining. Til saman er vi ca. 240 medarbeidarar.

Klageinstans består av engasjerte medarbeidarar som behandlar klager på vedtak gjorde i Nav. Vi førebur også ankesaker til behandling i Trygderetten og hjelper til i saker for lagmannsrettane.

Vi jobbar for å forbetre kvaliteten i saksbehandlinga i NAV og bidrar i arbeidet med utvikling av rundskriv og tekstar ved nye lover, større lovendringar eller ved endring av praksis.

Klageinstans Bergen behandlar klage- og ankesaker på områda sjukepengar, uføretrygd, grunn og hjelpestønad, pensjon, etterlatteytelse, supplerande stønad og barnebidrag. Avdelinga har for tida 34 tilsette og har kontor sentralt i Bergen. I august 2026 flyttar vi inn i nyoppussa kontorlokale i C. Sundts gate 10/Strandgaten 59.

Arbeidsoppgåver

Klageinstansen sine arbeidsoppgåver har i løpet av de siste årene utvikla seg i ei stadig meir rettsleggjerande retning. Dette er ei utvikling som vil fortsette, og fordrar at medarbeidarane er svært godt rusta til å handtere rettslege problemstillingar, rettslege verktøy og rettsleg bistand.

• saksbehandling av klage- og ankesaker
• bidra til å sikre god kvalitet og sikre rettar til NAV sine brukarar
• vidareutvikle Klageinstans sine faglege tenester
• bidra til utvikling av regelverket på Nav sine områder

Kvalifikasjonar

• utdanning som jurist (juridisk embetseksamen/master i rettsvitskap) med dokumenterte kunnskapar i norsk forvaltningsrett og gjerne trygderett.
• god forvaltningsrettsleg kompetanse, saman med saksbehandlarerfaring, vil vere ein fordel, men er ikkje påkravd.
• evne til å formulere deg klart og brukarvennleg, både skriftleg og munnleg.

Nyutdanna og vårens kull blir oppfordra til å søkje.

Personlege eigenskapar

Av personlege eigenskapar ønskjer vi at du har evne til å arbeide sjølvstendig og effektivt med god kvalitet, samt at du er strukturert og beslutningsdyktig. Det å kunne arbeide i team og vere engasjert og fleksibel er også viktige eigenskapar. Vi vil leggje stor vekt på at du er personleg eigna og på motivasjonen din.

Vi tilbyr

• Eit godt og engasjert juridisk fagmiljø med spennande arbeidsoppgåver, høgt tempo og klart definerte mål
• eit inkluderande og godt arbeidsmiljø
• avlønning i lønnsspenn frå kr 660.000 til kr 760.000 i kode 1434 Rådgjevar. For særskilt kvalifiserte søkjarar kan det vurderast høgare avlønning, samt kode 1364 Seniorrådgjevar
• vi ber alle søkjarar om å leggje ved aktuelle vitnemål og attestar.

Nav søkjer tilsette med hjarte for menneske og fagområda våre. Visjonen vår er å gje menneske moglegheiter, og dette gjer vi ved å utvikle Noregs beste arbeids- og velferdstenester.  

Nav består av 22 000 kompetente og engasjerte medarbeidarar. Vi jobbar tverrfagleg i sterke fagmiljø. Hos oss skal arbeidsmiljøet pregast av involvering, openheit og tillit.

Mangfald er viktig i Nav. Mangfald bidreg til betre problemløysing, auka kreativitet, større fleksibilitet og styrker kulturen og arbeidsmiljøet på arbeidsplassen. Vi oppmodar difor kandidatar med ulik bakgrunn til å søke på stillingar hjå oss, særleg om du har hol i CV-en, innvandrarbakgrunn eller nedsett funksjonsevne.

Når du søkjer jobb hos oss, vil namnet ditt stå på ei offentleg søkjarliste. Ønskjer du å bli unntatt frå offentleg søkjarliste, må du grunngje dette. Del gjerne vitnemålet ditt eller karakterutskrift dine på vitnemålsportalen.no. 

NAVstilling