Prosjekteringsleiar

Med over 6000 tilsette er Vestland fylkeskommune ein av dei største arbeidsstadane i fylket. Vi har ansvaret for 5547 km med fylkesveg, 278 tunneler, 1988 bruer og 30 ferjesamband. Vestland fylkeskommune skal sikre ein framtidsretta infrastruktur, men mål om å betra samband internt i regionen og gode kommunikasjonar mot resten av landet. Vi er ein av landets største byggherrar innan samferdsle og har mange spanande prosjekt i åra som kjem.

Som prosjekteringsleiar hos oss får du ei sentral rolle i gjennomføringa av komplekse anleggsprosjekt, der du har ansvar for å leie og koordinere prosjekteringa på tvers av fag og aktørar. Du blir ein nøkkelperson i prosjektorganisasjonen og jobbar tett saman med prosjektleiar, interne fagressursar, rådgivarar og byggeleiar for å sikre heilskaplege, funksjonelle og gjennomførbare løysingar.

Stillinga tilhøyrar seksjon Prosjektering innan avdeling Vegfag, under Infrastruktur og Veg. Seksjonen har ei sentral rolle i utvikling og gjennomføring av veg- og infrastrukturprosjekt, i tett samspel med andre fagseksjonar og avdelingar på Infrastruktur og Veg.

Arbeidsoppgåver

Hjå oss får du mogelegheit til å vere med på spennande prosjekt i heile Vestland. Du vil ha ansvar for å leie og koordinere prosjekteringa i komplekse prosjekt, gjennom alle fasar frå utarbeiding av konkurransegrunnlag til ferdig bygget.

Som prosjekteringsleiar har du ansvar for utarbeiding av konkurransegrunnlag i form av beskriving og modell/teikningar til byggeplan ved bruk av
interne og/eller eksterne ressursar.

• Etablere og leie prosjekteringsgruppe med rett samansett kompetanse, og sørgje for godt samarbeid mellom rådgivarar, leverandørar og interne fagmiljø

• Følgje opp framdrift, kvalitet og leveransar frå prosjekteringsgruppa, og sikre at arbeidet skjer i tråd med prosjektet sine føresetnader og avtalar

• Avklare og handtere grensesnitt og avhengigheiter mellom fag, entrepriseformar og aktørar, og førebyggje konfliktar og forseinkingar

• Bidra til vurdering av alternative tekniske løysingar, optimalisering av løysingar og val som gir rett kvalitet, kostnad og funksjon

• Identifisere, følgje opp og handtere avvik og risiko i prosjekteringa før desse får konsekvensar for bygging og gjennomføring

• Arbeide strukturert med modellbasert prosjektering, inkludert bruk av modellbasert prosjektering, VDC, Lean construction og systematisk ferdigstilling for å sikre effektiv prosess og god kvalitet

Kvalifikasjonar

Vi ser etter deg som har:

• Relevant høgare utdanning (bachelor eller master) innan bygg, anlegg eller tekniske fag(eller tilsvarande kompetanse opparbeidd gjennom fleire års relevant erfaring)

• Erfaring frå prosjekteringsleiing i anleggs- eller infrastrukturprosjekt

• God forståing for tverrfagleg prosjektering og komplekse grensesnitt

• Kjennskap til arbeidsmetodikk som VDC, modellbasert prosjektering, Lean eller tilsvarande

• God skriftleg og munnleg framstillingsevne på norsk

• Kjennskap til Statens vegvesen sine handbøker

• Førarkort klasse B

Personlege eigenskapar

Kven ser vi etter?

Vi ser etter ein trygg og engasjert prosjekteringsleiar som evnar å sjå heilskapen i komplekse prosjekt, samstundes som du har auge for detaljane som sikrar kvalitet og gjennomføring. Du trivst i skjeringspunktet mellom fag, menneske og framdrift – og tek ei aktiv rolle i å få gode løysingar frå idé til realisering.

Du er ein naturleg koordinator og pådrivar, som skapar tillit og samarbeid mellom interne/eksterne fagmiljø, samt prosjektleiar og byggeleiar. Med struktur, tydleg kommunikasjon og god fagleg forståing sikrar du at prosjekteringa held rett kurs når det gjeld kvalitet, tid og kostnad.

Vi legg stor vekt på at du:

• Jobbar strukturert og målretta, og held hovudet kaldt under press

• Har gode samarbeidsevner og evnar å byggje sterke team

• Er initiativrik, løysingsorientert og trygg i rolla di

• Kommuniserar tydeleg, inkluderande og profesjonelt

• Er nysgjerrig og motivert for å utvikle både prosjekt og arbeidsmåtar vidare

Vi tilbyr

Hjå oss får du:

• Ein spennande, variert og meiningsfull arbeidskvardag, der ingen dagar er like
• Eit inkluderande og sterkt fagmiljø med høg trivsel, kjenneteikna av samarbeid, tillit og fagleg engasjement
• Ei utfordrande stilling i ein flott organisasjon, der du får høve til å bidra aktivt til utviklinga av Vestland fylkeskommune
• Ei nøkkelrolle i prosjekt, med stor variasjon i både storleik og kompleksitet
• Ei stilling der du raskt får ansvar og handlingsrom i rolla di
• Gode moglegheiter for fagleg utvikling, gjennom varierte oppgåver, tett samarbeid med erfarne fagmiljø og kontinuerleg kompetansebygging

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.