Vestland idrettskrets er på jakt etter rådgivar til kontoret i Førde

Vi søkjer ein engasjert og utviklingsorientert medarbeidar til ei spennande og variert stilling som kombinerer arbeid med barne- og ungdomsidrett og utvikling av gode rammevilkår for idretten i Vestland. Idrettskretsen har totalt 15 tilsette. Denne stillinga er lokalisert ved vårt kontor i Førde.

Dette er ei brei og utviklingsretta stilling der du vil få ansvar for både fagleg arbeid og strategisk utvikling. Du vil arbeide tett på idrettslag, idrettsråd og samarbeidspartnarar, og bidra til å styrkje både aktivitet og rammevilkår for idretten i regionen. Stillinga vil kunne utvikle seg over tid, i takt med behov og organisasjonsutviklinga i norsk idrett.

Arbeidsoppgåver

• bidra til utvikling av god og inkluderande barne- og ungdomsidrett i Vestland
• rettleie og følgje opp idrettslag og idrettsråd innan barne- og ungdomsidrett
• planleggje og gjennomføre kompetansetiltak og møteplassar
• arbeide med søknader om tilskot og prosjektmidlar
• forvalte og følgje opp tilskotsordningar
• utvikle nye samarbeid og bidra til å styrke rammevillkår for idretten i fylket
• andre oppgåver kan bli lagt til stillinga

Kvalifikasjonar

• Idrettsfagleg eller anna relevant høgare utdanning på høgskulenivå
• Manglande formell utdanning kan kompenserast med god og relevant arbeidserfaring
• Kjennskap til norsk idrett si organisering og verdigrunnlag
• Erfaring frå idrett, frivillig arbeid eller organisasjonsliv
• Erfaring med søknadsarbeid, prosjektarbeid og prosjektutvikling, finansiering
• God skriftleg og munnleg framstillingsevne
• God digital kompetanse
• Førarkort klasse B

Vi ser etter deg som

• er sjølvstendig og tek initiativ
• har gode samarbeidsevner og god på å bygge relasjonar
• trivst med ein variert arbeidskvardag
• evnar å arbeide både strukturert og fleksibelt
• har interesse for utviklingsarbeid og nye moglegheiter

Vi tilbyr eit engasjerande, inkluderande og triveleg arbeidsmiljø med stor takhøgde. Du blir ein del av eit tverrfagleg miljø som vektlegg høg kvalitet og kunnskapsdeling. Vi har gode forsikringsordningar og god pensjonsordning. Vi tilbyr også høve til trening i arbeidstida og løn etter avtale. I NIF jobbar vi for å skape idrettsglede for alle. Med det oppdraget er det heilt naturleg at vi ønskjer å byggje eit mangfaldig og inkluderande team av svært dyktige individ som brenn for å gjere norsk idrett til ein inkluderande arena. Vi har stor tru på at vi alle utmerkar oss og er meir kreative når vi får lov til å vere oss sjølve, og vi ønskjer difor å byggje ein kultur der alle kjenner seg heime. I NIF ønskjer vi tilsette med ulik kompetanse, tilnærmingar, perspektiv, alder, kjønn, livserfaring, mangfaldskompetanse og bakgrunn. Mangfald er viktig både for arbeidsmiljøet og for jobben vi skal gjere.

Norges idrettsforbund og olympiske og paralympiske komité (NIF) er ein frivillig, partipolitisk nøytral og uavhengig organisasjon, og det øvste organ i norsk idrett. Den organiserte idretten er Norges største folkebevegelse med 1 900 000 medlemskap fordelt på over 9 000 idrettslag. NIFs visjon er «idrettsglede for alle». Idrettsforbundet har i dag ca. 370 tilsette fordelt på idrettskretsar, Olympiatoppen og NIF sentralt på Idrettens hus, Ullevaal stadion.

Vestland idrettskrets er eit organisasjonsledd under NIF og omfattar 53 særkretsar og 43 idrettsråd som organiserar over 900 idrettslag med til saman over 220 000 medlemskap. Vestland idrettskrets er den største frivillige organisasjonen i Vestland fylke og har kontor på Idrettens Hus i Førde og Idrettens hus i Bergen.