Tannpleiar ved Molde kompetanseklinikk

Vi har ledig, fast 100% stilling som tannpleiar ved Molde kompetanseklinikk.

Molde kompetanseklinikk er ein av fylkets største offentlege tannklinikkar, og har 6 tannlegar, 3 tannpleiarar og 10 tannhelsesekretærar. Klinikken har i tillegg også spesialistar i oralkirurgi og oralprotetikk og to psykologar i tverrfagleg behandlarteam TOO.

Molde kombinerer det beste av byliv og natur – med fjord, fjell, toppturar og friluftsopplevingar rett utanfor døra, året rundt. Samtidig har Molde eit aktivt kultur- og idrettsmiljø, med mellom anna Moldejazz, sterk fotballtradisjon og eit variert kulturtilbod. Molde er ein kompakt og attraktiv «5‑minuttsby», med korte avstandar, gode kommunikasjonar og flyplass like ved – ideelt for ein god balanse mellom jobb, familie og fritid. https://www.visitnorway.no/reisemal/vestlandet/nordvest/molde/

Arbeidsoppgåver

Varierte kliniske arbeidsoppgåver med undersøking og behandling av alle pasientgrupper. Forebyggande, helsefremmande tannhelsearbeid, med samarbeid med barnehagar, skolar, institusjonar og andre samarbeidspartar. I tillegg omfattar stillinga òg administrative oppgåver.

Kvalifikasjonar

• Norsk autorisasjon som tannpleiar.
• God kommunikasjonsevne på norsk/skandinavisk, både munnleg og skriftleg
• Forståing for det helsefaglege samfunnsoppdraget, kvalitetssikring og pasientsikkerheit.

Personlege eigenskapar

• Blir motivert av å jobbe for og med menneske
• Jobbar effektivt og sjølvstendig
• God samarbeidsevne, er serviceinnstilt og løysingsorientert
• Ønsker å bidra til eit positivt og utviklande arbeidsmiljø

Vi tilbyr

• Ein god jobb der du kan utvikle deg
• Lønn etter tariffavtale
• Oppdatert og fin tannklinikk
• Eit fagleg nettverk med påfyll av kompetanse
• Trivelege medarbeidarar og godt miljø
• Introduksjonsprogram for alle våre nye kollegaer
• Ein stor og solid organisasjon i ryggen og leiarar som heier på deg
• Trygge pensjons- og forsikringsordningar (gjennom KLP)

Anna
Vi har som mål å spegle mangfaldet i befolkninga. Alle med kompetansen vi etterspør er velkomne til å søkje ledig stilling hos oss.
Den som vil bli tilsett må levere politiattest

Bli med å utvikle regionen saman med oss!

Møre og Romsdal fylkeskommune har ansvar for vidaregåande opplæring, fagskoleutdanning, fylkesveg og kollektivtransport, tannhelsetenester, kulturtenester og samfunns- og næringsutvikling i heile fylket. Vi er ein av dei største arbeidsgivarane i regionen. Verdigrunnlaget vårt er ein lærande organisasjon, kjenneteikna av verdiskapande samarbeid og tillit.

Møre og Romsdal fylkeskommune ønskjer medarbeidarar som tek ei aktiv, engasjert, reflektert og ansvarleg rolle i organisasjonen vår. Hos oss møtast menneskjer med ulik kompetanse- og utdanningsbakgrunn for å skape gode tenester til våre innbyggarar.

Møre og Romsdal fylkeskommune er oppteken av mangfald, og vi oppfordrar difor alle som er kvalifisert i henhald til stillingas krav, til å søkje hos oss. Vi tilpassar arbeidsplassen om du har behov for det.

For tilsetting i skole og tannhelsetenesta krevst det politiattest av kandidater som får tilbud om stilling.


Dersom det kjem fram av din søknad at du ønskjer konfidensiell handsaming, gjer vi merksam på følgjande: Opplysningar om søkar kan gjerast offentleg sjølv om søkar har bedt om konfidensiell behandling.

Søker vil da få tilsendt informasjon om dette jf. offentleglova § 25.

Sjå korleis det er å jobbe i tannhelsetenesta i Møre og Romsdal

Interessert i jobb i den offentlege tannhelsetenesta i Møre og Romsdal?

• Ønsker du spennande utfordringar i eit av landets vakraste fylke?
• Blir du motivert av å jobbe for - og med - menneske?
• Ønsker du eit meiningsfylt arbeid med varierte pasientgrupper?
• Vil du vere ein del av eit fagleg nettverk og ein organisasjon som opptatt av læring, samarbeid og tillit?
  
  

Vi treng deg i det viktige samfunnsoppdraget vårt!