Er du engasjert i ungdom og vil vera med å påverka utviklinga av Ryfylke? Då bør du søkje denne prosjektstillinga!

Me søkjer etter ein ny medarbeidar som skal ha ei sentral rolle i oppfølginga av Ungdomsstyret i Ryfylke og i arbeidet med å utvikla prosjekt og tiltak retta mot unge i regionen.

Stillinga er inntil 100 prosent, og det er gode moglegheiter for å tilpassa stillingsprosent slik at den kan kombinerast for eksempel med studiar.

Kontorstad er Hjelmeland, men me er fleksible på både arbeidstid og arbeidsstad

Varigheit: 1 år (med moglegheit for forlenging)

Arbeidsoppgåver:

• Planleggja og gjennomføra RyRekrutt, ein årleg nettverk- og rekrutteringsfest for ungdom og bedrifter i Ryfylke

• Kommunikasjonsarbeid, inkludert sosiale medium, artiklar og oppdatering av nettsider

• Bidra i utviklinga av den digitale plattforma Heim te Ryfylke

• Bidra i vidareutviklinga av Trainee Ryfylke

• Administrera Ungdomsstyret i Ryfylke, som for eksempel møteplanlegging, møtereferat, oppfølging av saker og praktisk tilrettelegging

• Følgje opp andre oppgåver/prosjekt initiert av Ungdomsstyret

Ønska kvalifikasjonar:

• God innsikt i kva som engasjerer ungdom er ein fordel

• Gode ferdigheiter innan digitale verktøy og plattformer, inkludert sosiale medium

• Komfortabel med å kommunisera både munnleg og skriftleg, og trivst med å halda presentasjonar og vera synleg, til dømes framfor kamera

• Evne til å jobbe sjølvstendig og i team

• Tek ansvar og får ting gjennomført

• Erfaring frå eller lyst til å lære meir om prosjektarbeid

• Kjennskap til Ryfylke er ein fordel, men ikkje eit krav

• Må ha førarkort klasse B, då det blir ein del reising internt i Ryfylke

Me tilbyr:

• Ei spennande og variert prosjektstilling, der du får stor påverknad på ungdomsarbeidet i Ryfylke

• Eit hyggeleg og inkluderande arbeidsmiljø

• Ei viktig rolle i å bidra til å forme framtida for dei unge i Ryfylke

• Kontorstad er Hjelmeland, men me er fleksible på både arbeidstid og arbeidsstad

• Løn etter avtale

• Tilgang til bil i prosjektet

Er du den me leitar etter? Send oss ein video-søknad!

I staden for ein tradisjonell søknad ønskjer me at du sender oss ein kort video der du fortel kven du er og kvifor du vil jobba hos oss. Legg også ved CV.