Prosjekteringsleiar

Bli med å bygge framtidas Bybane i Bergen

Bybanen er meir enn skinner, straum og haldeplassar. Det er ein av dei største og viktigaste motorane for byutvikling i Bergen – og no ser vi etter deg som vil vere med å utforme neste byggetrinn.

Seksjon Bybanen Utbygging har ansvaret for bygging av bybanen, og treng no ein prosjekteringsleiar som skal leie arbeidet på eit av dei mest komplekse infrastrukturprosjekta på Vestlandet. Arbeidsstad er Bergen.

Di rolle – midt i maskineriet

Som prosjekteringsleiar blir du ein sentral del av prosjektorganisasjonen. Du følgjer alle fasane i prosjektet – frå reguleringsfase via prosjektering og bygging, til overlevering til Bybanen AS.

Akkurat no arbeidar vi med Byggetrinn 5: Sentrum–Vågsbotn og treng ein prosjekteringsleiar som skal samarbeider tett med våre rådgivarar og leiar aktiviteterar i desse kontraktane. Med andre ord: mykje kompetanse rundt bordet – og du er ein av dei som sørgjer for at gode idear faktisk blir til verkelegheit.

Arbeidsoppgåver

Du vil ha ansvar for å:

• Følgjer opp prosjekteringa og held styr på lover, krav og retningslinjer
• Er bindeleddet mellom rådgivarar og byggherre (du får folk til å snakke saman – og forstå kvarandre)
• Koordinerer fag og aktivitetar på tvers av team og leverandørar
• Bidreg til smarte, heilskaplege tekniske løysingar
• Fangar opp avvik før dei blir problem
• Du får oversikt, ansvar – og reell påverknad.

Kvalifikasjonar

Du må ha:

• Bachelorgrad eller tilsvarande (eller høgare) innan tekniske fag
  
• Erfaring frå prosjektering innan infrastruktur, veg, konstruksjon eller VA
  
• Erfaring med leiing
  
• Kjennskap til VDC eller liknande arbeidsmetodikk
  
• Førarkort klasse B

Personlege eigenskapar

Som person set vi ekstra pris på at du:

• Har struktur og orden
  
• Likar samarbeid like godt som gode løysingar
  
• Er nysgjerrig, engasjert og løysingsorientert
  
• Tek initiativ
  
• Kommuniserer tydeleg – på norsk og engelsk.
  
• Har god digital kompetanse
• Kan identifisere og kjenne deg igjen i verdiane våre – open, kompetent og modig.

Vi tilbyr

Kva får du hos oss?

• Ei nøkkelrolle i eit av dei viktigaste samferdselsprosjekta i Bergen
  
• Eit sterkt og engasjert fagmiljø
  
• Fagleg utvikling
  
• Fleksitid, avspasering og heimekontorordning
  
• Løn etter avtale
  
• Gode pensjons- og forsikringsordningar

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.