Kvednatunet

Er du kreativ, omsorgsfull og god på å skape aktivitet og trivsel? Har du engasjement for eldre og personar med demens? Då ønskjer vi deg med på laget!

Vi i Øygarden kommune arbeider aktivt for å tilpasse oss morgondagens behov og sikre gode tenester til våre innbyggjarar. Vi legg stor vekt på fagleg kvalitet, utvikling og trivsel blant våre tilsette. For å få til dette, er vi avhengige av eit godt arbeidsmiljø kor samarbeid på tvers av avdelingar og mellom faggrupper finn stad. Vi er opptatt av at vi saman arbeider for å få dette til.

Engasjerte medarbeidarar som jobbar strukturert, effektivt og gjerne kjem med innspel til endring er verdifullt i kommunen sitt oppdrag med å tilby berekraftige tenester.

Om avdelinga:

Kvednatunet er ein omsorgsbustad med heildøgns tenester for personar med demens diagnose. Huset består av 40 husvære fordelt på 4 bufellesskap. Her er det tverrfaglege i fokus,  med lege 3 dagar i veka, sjukepleiar, helsefagarbeidarar, aktivitør - og musikkterapeut med fleire for å prøve dekke bebuarane sine behov.

Kvednatunet er lokalisert på Ågotnes om lag 10 min frå Straume og hos oss kan du parkere gratis.

Vi søkjer ein initiativrik og sjølvstendig aktivitør/miljøarbeidar i 100 % stilling, kor 20 % er knytt til helgearbeid, inngår i pleietenesta. Stillinga er sentral i å skape gode kvardagar for bebuarane gjennom aktivitet, miljøarbeid og samarbeid med frivillige. Stillinga er knytt til dagavdeling og bufellesskap.

Du blir en viktig del av vårt tverrfaglege team, og vil bidra til et miljø som fremjer tryggleik, meistring og livskvalitet.

Arbeidsoppgåver

• Planleggje, gjennomføre og evaluere aktivitetar i tråd med bebuaranes ressursar og interesser
• Utarbeide og følgje opp månadleg aktivitetsplan
• Individuell og gruppebasert miljøterapeutisk oppfølging
• Samarbeide tett med frivillige, andre eksterne, pårørande og andre faggrupper
• Leggje til rette for sosialt fellesskap og meiningsfulle opplevingar.
• Bidra i 20 % pleiearbeid på helg (grunnleggande pleie, miljøarbeid og tryggleikskapande tiltak)
• Dokumentasjon i tråd med gjeldande rutinar
• Skape eit inkluderande og aktivt miljø som støtter personsentrert omsorg

Kvalifikasjonar

• Utdanning som aktivitør, miljøarbeidar, helsefagarbeidar, anna relevant utdanning,
• Ønskeleg med utdanning som frivilligheitskoordinator
• Erfaring med arbeid innan eldreomsorg/demensomsorg er ein fordel
• Evne til å planleggje, organisere og gjennomføre aktivitetar
• Gode samarbeidsevner og trygg kommunikasjon
• Digitale ferdigheiter og evne til å føre dokumentasjon
• Gode norskkunnskapar, munnleg og skriftleg

• Kreativ, løysingsorienterte og fagleg engasjert
• Trivt i samspel med menneske og skapa gode relasjonar
• Sjølvstendig, strukturert og ansvarleg
• Trygg, tolmodig og fleksibel
• Evne til å motivere og engasjere andre både bebuarar og frivillige
• Om du er personleg egna vil bli vektlagt

Vi tilbyr:

• Gode pensjons- og forsikringsordningar
• Motiverte og kunnskapsrike kollegaer
• Vi tilbyr startlån for å rekruttere og behalde helsepersonell. Sjå kommunens heimeside for meir informasjon om Startlån 
• Ei meiningsfull og variert arbeidskvardag
• Moglegheit til å påverke og utvikle aktivitetstilbodet
• Eit godt og fagleg sterkt arbeidsmiljø
• Nært samarbeid med frivillige og tverrfaglege kollegaer
• Opplæring og fagleg rettleiing

Kontakt:

Avdelingsleiar Beate Lønningen telefon : 91673031

Avdelingsleiar Bodil Janne Giil Telefon :916 73 032

Einingsleiar Ingrid-Alice Ingebrigtsen : 97537243

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.