Ønskjer du  å jobbe for gode og trygge helse- og omsorgstenester til innbyggarane i Rogaland?  

Om stillingane

Statsforvaltaren si helse-, sosial- og barnevernsavdeling har til oppgåve å saksbehandle enkeltsaker og føre tilsyn med kommunar, spesialisthelseteneste, institusjonar og helsepersonell. Avdelinga skal rettleie, drive utviklingsarbeid og opplæring, og jobbe for å oppnå  nasjonale mål.

Vi jobbar på oppdrag frå mellom anna Helsedirektoratet og Statens Helsetilsyn. 

Helse-, sosial- og barnevernsavdelinga har ledig to faste stillingar og eit 1 års vikariat som assisterande fylkeslege.
 

Arbeidsoppgåver

Du vil mellom anna arbeide med:

• saksbehandle klage- og tilsynssaker
• gi informasjon og rettleiing til helsepersonell og helsetenestene i fylket
• behandle saker om helsekrav til førarkort og/eller arbeid offshore

Andre oppgåver og ansvarsområde kan bli aktuelle.

Kvalifikasjonskrav

Krav: 

• medisinsk embetseksamen og norsk autorisasjon som lege
• godkjent spesialitet i eit klinisk fag eller samfunnsmedisin, søkarar utan ferdig spesialistgodkjenning kan og søkje
• god kjennskap til norsk helsevesen

Det er ein fordel om du også har:

• erfaring med tilsyn eller forvaltingsoppgåver 
• forskingserfaring 

Personlege eigenskapar: 

Vi ser etter deg som: 

• samarbeider godt og byggjer gode relasjonar 
• er strukturert, sjølvstendig og løysningsorientert
• har ein trygg og tydeleg kommunikasjon
• trivst med varierte oppgåver og ansvar

Vi legg vekt på at du er personleg eigna for stillinga.

Vi tilbyr

• lønn som assisterande fylkeslege, kr 920 000 - 1 090 000 pr år, avhengig av kvalifikasjonar og erfaring. For særleg godt kvalifiserte kan høgare lønn vurderast 
• fleksibel arbeidstid og gode arbeidsvilkår i staten 
• god pensjonsordning (det blir trekt 2% pensjonsinnskot frå lønna) gruppelivsforsikring og moglegheit for bustadlån gjennom Statens pensjonskasse. Les meir om ansatt godane på spk.no/medlemskap-i-spk 
• moglegheit for fagleg utvikling og kompetansebygging 
• varierte, interessante og samfunnsnyttige arbeidsoppgåver 
• triveleg arbeidsmiljø i Statens Hus sentralt i Stavanger 
• HjemJobbHjem-ordning 
• 6 månaders prøvetid 

Mangfold og inkludering 

Vi ønskjer eit mangfaldig arbeidsmiljø og oppmodar kvalifiserte kandidatar til å søkje, uavhengig av bakgrunn. Vi legg til rette ved behov.

Slik søkjer du

Alle som søkjer stillinga, må søke digitalt gjennom rekrutteringsportalen Jobbnorge. Du må laste opp relevante vitnemål og attester. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå NOKUT. 

Offentleg søkjerliste blir utarbeidd etter søknadsfristen. Dersom du ønskjer å reservere deg frå oppføring på offentleg søkjerliste må dette grunngjevast. Du vil få varsel dersom reservasjonen ikkje blir tatt til følgje.

Statsforvaltaren er Kongen og regjeringa sin representant i fylket og skal arbeide for at Stortinget og regjeringa sine vedtak, mål og retningslinjer blir følgde opp i Rogaland. Oppgåvene er i hovudsak rettleiing, tilsyn og klagebehandling, som er retta mot enkeltpersonar, kommunar og bedrifter. Statsforvaltaren skal medverke til å samordne, forenkle og effektivisere statlege verksemder i fylket. 

Statsforvaltaren har eit særleg ansvar for å følgje opp berekraftmåla på fagområda våre, og skal som ein del av arbeidet vårt formidle relevant kunnskap til andre aktørar i regionen.

Statsforvaltaren har oppgåver innan fagområda miljøvern, landbruk, utdanning, helse, beredskap, sosial- og familierett, verjemål, kommuneøkonomi og planlegging. Embetet har ca. 200 tilsette.