Ledig stilling som IKT-Leiar

Som følgje av naturleg avgang er det ledig stilling i VTK-konsernet (VTK) som:

IKT-leiar

Energisektoren er ein bransje i rask digital utvikling. Denne stillinga skal bidra til at VTK tek nye steg og utviklar både system og tilsette i tråd med ein digital og effektiv kvardag. Vi ser etter deg som er interessert i ny teknologi og som har ei analytisk tilnærming til nye utfordringar.

Stillinga vil samarbeide med leiinga i konsernet og vår IT-leverandør, med ansvar for å utvikle langsiktige strategiar og sikre at IT‑løysingane er i tråd med til ein kvar tid gjeldande lovverk, og med selskapet sine behov og mål.

Du vil være tett på dotterselskap og tilknytte selskap i VTK-konsernet for å identifisere område der digital teknologi kan skape verdi og forbetre forretningsprosessar. Implementering av nye system, automatisering av manuelle oppgåver og bruk av dataanalyse for å ta betre avgjerder er sentrale arbeidsoppgåver. Du vil òg få definerte ansvarsområde innan dagleg drift, som mellom anna omfattar å sørgje for tilstrekkeleg support, opplæring og utvikling av tilsette i VTK-konsernet.

IT‑tryggleik er ei prioritert oppgåve for å verne selskapet sine data og system mot truslar. I stillinga inngår rolla som IKT‑sikkerhetskoordinator, med ansvar for å sikre at nettselskapet vårt (TNett) møter krava i kraftberedskapsforskrifta og fungere som fagleg kontaktpunkt mot beredskapsstyresmaktene (NVE).

Vi ser etter ein kandidat som:

• Har relevant høgare utdanning innan informasjonsteknologi eller tilgrensande fagområde
• Har dokumentert erfaring med verktøy som Python, SQL og Power BI
• Er teknisk sterk og forstår samanhengen mellom brukar, data og system
• Tek eigarskap til digital utvikling og kontinuerleg forbetring
• Forstår moderne tryggleiksbehov og jobbar proaktivt med sikkerheitsforbetringar
• Er komfortabel med å vere bindeledd mellom fag, IT og eksterne leverandørar

Det er ein fordel om du har erfaring med:

• Datainnsamling, datakvalitet og rapporteringsrutinar
• Energisystem som Elhub og KIS/NIS
• GitHub
• Lovverk og forskrifter som regulerer informasjonssikkerheit

Vi tilbyr:

• Ei spanande, sjølvstendig og fagleg interessant stilling
• Fleksibel arbeidstid og moglegheit for heimekontor
• Konkurransedyktig løn og gode forsikrings‑, pensjons‑ og velferdsordningar
• Ein solid arbeidsplass med dyktige kollegaer

Den som blir tilsett, må tilfredsstille krava til bakgrunnssjekk heimla i kraftberedskapsforskrifta.

Spørsmål om stillinga kan rettast til dagleg leiar i VTK Holding AS:
Hallgeir Aarbakk, tlf. 916 38 345

Søknad med CV sendast på e‑post til firmapost@vtk.no.
Merk søknaden: «IKT‑leiar»

Søknadsfrist: 01.04.2026
Søknadar blir behandla fortløpande.

Personopplysningar blir behandla i tråd med GDPR og blir berre nytta i denne rekrutteringsprosessen. Opplysningane blir lagra i inntil 12 månader før dei blir sletta. Kontakt oss dersom du ønskjer innsyn eller sletting av data.

Vest Telemark Kraftlag (VTK) blei stifta 13. september 1940 og er i dag eit konsern der VTK Holding AS er morselskap; - eigd av kommunane Tokke, Vinje, Fyresdal, Kvitseid, Seljord og Nissedal i Vest-Telemark. I konsernet er det to dotterselskap, TNett AS og VTK AS. TNett AS har eit samla nett (lågspent og høgspent) på over 3000 km for å forsyne sine 15.500 nettkundar. VTK AS driv med kraftproduksjon, kraftomsetning og fiber. Kraftproduksjonen er primært knytt opp mot deleigde selskap, der Skafså Kraftverk ANS og Sundsbarm Kraftverk DA er dei største. VTK AS har ein total produksjonstilgang på ca. 280 GWh i eit normalår. VTK har om lag 11500 kundar på kraftomsetning. Fibernettet blir leigd ut til deleigd dotterselskap Telefiber AS som har over 7000 kundar. Konsernets aktivitetar er samla på Høydalsmo i Tokke kommune. Nettselskapet har ei avdeling i Treungen i Nissedal kommune. Konsernet hadde i 2024 ei omsetning på 530 mill.kr og om lag 60 tilsette.