Servicetekniker

Vil du jobbe med moderne teknologi i eit av dei mest innovative produksjonssystema i havbruksnæringa?

Som serviceteknikar hos Eide får du ei sentral rolle i drift og vidareutvikling av Watermoon – vår lukka og nedsenka produksjonsplattform. Her kombinerer du praktisk teknisk arbeid med systemforståing, optimalisering og utvikling.

Kven er vi?

Eide er eit familieeigd selskap og ein pioner i havbruksnæringa. Ambisjonen vår er klar: å setje standarden for framtidas havbruk.

Watermoon er vår eigenutvikla produksjonsplattform med null utslepp, høg fiskevelferd og smart bruk av data og automasjon. Teknologien er utvikla av oppdrettarar – for oppdrettarar – og er no på veg ut i den globale marknaden.

Automasjon, kontrollsystem og datadriven drift er avgjerande for vidare utvikling av løysinga.

Om stillinga

Du blir ein del av teknisk avdeling med ansvar for stabil drift, feilsøking, optimalisering og vidareutvikling av våre tekniske system.

Dette er meir enn ei tradisjonell vedlikehaldsrolle. Du får vere tett på både drift og utvikling, og vere med å påverke tekniske løysingar og standardar.

Arbeidsstad er ved våre Watermoon-lokalitetar i Hardanger.

Du rapporterer til leiar for automasjon og elektro.

Arbeidsoppgåver

• Drift og vedlikehald av tekniske anlegg
• Feilsøking og feilretting i kontroll- og automasjonssystem
• Test, optimalisering og vidareutvikling av automasjonsløysingar
• Arbeid med visualisering og brukargrensesnitt (SCADA)
• Deltaking i prosjekt og implementering av ny teknologi
• Bidra til standardisering og kontinuerleg forbetring
• Fagleg støtte til driftsorganisasjonen

Kven ser vi etter?

Du er strukturert, praktisk og løysingsorientert. Du trivst med ansvar og likar å forstå heilskapen i tekniske system – ikkje berre enkeltkomponentar. Du motiverast av å forbetre og vidareutvikle løysingar.

Ønska kvalifikasjonar

• Fagbrev innan automasjon eller elektro
• Erfaring frå industriell verksemd (prosess og/eller instrumentering)
• God teiknings- og dokumentforståing
• Kjennskap til kontroll- og automasjonssystem
• Kjennskap til SCADA/visualisering, gjerne Ignition
• Kjennskap til nettverk, kommunikasjon og systemintegrasjon
• Digital kompetanse og erfaring med bruk av tekniske IT-verktøy

Kvifor velje Eide?

Hos oss får du:

• Jobbe med moderne og framtidsretta teknologi
• Ei sentral rolle i vidareutvikling av eit innovativt produksjonssystem
• Reell påverknad på tekniske løysingar
• Moglegheit for fagleg utvikling innan automasjon og system
• Eit sterkt fagmiljø og godt arbeidsmiljø

Me satsar både på visjonane våre og på folka våre.

Vårt motto er: «Det viktigaste er å ha det gøy».

Me tilbyr konkurransedyktige vilkår, gode pensjons- og forsikringsordningar og spanande faglege utfordringar.

Søknadsinformasjon

Me ynskjer deg velkommen til å sende inn søknad, cv, og relevante dokumenter.

Om du har spørsmål knytt til stillinga eller rekrutteringsprosessen, ta gjerne kontakt med: Leder for automasjon og elektronikk Ørjan Eikeland orjan.eikeland@efb.no / 466 48 554. Eller HR- koordinator Hanne Seljestad

Søk i dag dersom du vil ta del i å setje standarden for framtidas havbruk!