Sjukepleiar

Kommunelegekontoret i Sula har ledig sjukepleiestilling, og vi søkjer deg som ønskjer å bli ein del av vårt team

Legekontoret har i dag 10 fastlegar og ein LIS1-lege. Nesten alle fastlegane er spesialistar i allmennmedisin. Ein har også dyktige medarbeidarar i form av helsesekretærar og sjukepleiarar. Kontorethar fokus på godt samarbeid, god kompetanse og tenesteutvikling, slik at både pasientar ogmedarbeidarar skal trivast.

Arbeidsoppgåver

Stillinga består av varierte arbeidsoppgåver med pasientkontakt, laboratoriearbeid, skiftestue, ekspedisjon, sentralbord og legevaktstelefon.

Arbeid på skiftestue kan blant anna vere EKG, 24-timers BT, spirometri, øyreskylling, sårskift og suturfjerning.

Nye arbeidsoppgåver kan kome til gjennom sentrale føringar for fastlegeordninga, inkludert eigne pasientkonsultasjonar.

Den som blir tilsett må handtere alle dei ulike oppgåvene som ligg til stillinga, då ein har ei rullering mellomoppgåvene.

Kvalifikasjonar

• Søkar må vere offentleg godkjent sjukepleiar
  
• Relevant erfaring frå sjølvstendig poliklinisk arbeid vil bli vektlagd.
• Må ha gode norsk kunnskapar både skriftleg og munnleg.
• Politiattest

Personlege eigenskapar

• I tillegg til formell kompetanse og praksis, blir det lagt stor vekt på personlege eigenskapar.
• Du har gode evner til å arbeide både sjølvstendig og i samarbeid med andre.
• Du er fagleg engasjert og ønsker å bidra til eit godt arbeidsmiljø
• Du er fleksibel, omgjengelig og serviceinnstilt
• Du har vilje og evne til å jobbe i eit hektisk miljø.
• Du viser positiv interesse for menneska du møter i arbeidet ditt
• Du er strukturert, ryddig og nøyaktig

Vi tilbyr

• Godt arbeidsmiljø
• Godt samarbeid både internt og eksternt.
• Å få arbeide i eit velutstyrt og triveleg arbeidsfellesskap med godt kvalifiserte medarbeidarar som har fokus på tenesteutvikling
• Gratis parkering
• Lønn etter tariff.
• kommunen er IA-bedrift og har fokus på nærværsarbeid
  

Sula kommune er opptatt av å utvikle og forbetre tenestene saman med innbyggerane og næringslivet, slik vi kan vere ei trygg og framtidsretta kommune. 

Sula kommune ligg sentralt til på Sunnmøre med Ålesund som næraste nabo. Kommunen har omlag 9800 innbyggjarar, der omlag halvparten bur i kommunesenteret Langevåg. Sula er ein av dei minste og mest folketette kommunane i fylket.

Kommunen er vekstkommune med stor aktivitet, rikt kulturliv og har gode høve til å dyrke friluftsliv. Veksten har ført til auke av butikk-, kafe- og næringsverksemder. Det tek 7 minutt med båt over til Ålesund sentrum. Kommunesenteret og Sula rådhus ligg i Langevåg. 

Meir informasjon om Sula kommune her