Advokat

Juridisk seksjon har som overordna ambisjon å dekke det aller meste av Vestland fylkeskommune sitt rettshjelpsbehov. I dette ligg å synleggjere og tilby kompetent juridisk rådgjeving for heile Vestland fylkeskommune.

Då ein av våre tilsette ble utnemnd til statssekretær i landsbruks- og matdepartementet frå 02.02, er det ledig eit vikariat som advokat i juridisk seksjon innan opplæringsområde.

Vi søker deg som har jobbet noen år som advokat og som vil vere med å bidra til å vidareføre og vidareutvikle den gode kvaliteten vi har i vidaregåande opplæring i Vestland. I juridisk seksjon vil du bli del av eit stort fagleg miljø.

Vestland fylkeskommune skal gje ungdom og vaksne vidaregåande opplæring med høg kvalitet.
Den vidaregåande opplæringa skal bidra til berekraftig forvaltning av ressursar og til gode og vekstkraftige
lokalsamfunn og sterke by- og senterområde gjennom mellom anna eit breitt og likeverdig
opplæringstilbod.


Kvar dag får 30 000 ungdommer og vaksne opplæring i skule og bedrift. Fylket har 43 vidaregåande skular,
2 fagsklular 1 produksjonsskule og 1 folkehøgskule. Vi er omlag 5000 tilsette og vårt årlege driftsbudsjett
innan opplæring er på omlag 3,4 mrd.

Arbeidsoppgåver

Elev- og lærlingsaker - klagesaker generelt m.a. tilrettelagt opplæring, opplæringstilbod, og fagprøvar.
Elevane sitt psykososiale skulemiljø (§9A) oppfølging av skular og rutinar.
Ulike høyringar lov og forskrift knytt til vidaregåande opplæring.
Rutinar og regelverk knytt mot opplæringslova, forvaltingslova, offentleglova m.m.
Utvikling av lokale forskrifter og reglement.
Erstatningssaker
Juridisk bistand til skular, lærebedrifter, elevar og lærlingar.
Opplæring av tilsette t.d forvaltingslova, klagehandsaming eksamen og vedtaksskriving
Advokatoppdrag for Vestland fylkeskommune

Andre oppgåva innan ansvarsområde til juridisk seksjon

Kvalifikasjonar

Krav om juridisk embetseksamen eller master i rettsvitskap

Krav om advokatbevilling

Ønskjeleg med erfaring frå opplæringsfeltet

Ønskjeleg med erfaring med å gje råd om verknad og konsekvens for innretting i samband med
endring i rettsreglar.

Personlege eigenskapar

Positiv og omgjengeleg som person
Serviceinnstilt
Gode samarbeidsevnar
Sterk på prioritering for å sikre levering innan fastsatt frist

Vi tilbyr

Positivt og inkluderande arbeidsmiljø prega av rause kollegaer og godt humør
Eit stort faglet fellesskap med ein variert, spennande og om omfattande portefølje
Lønn etter avtale

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.