BMO Elektro AS lyser ut stillingar for elektrikarar i Sogn og Fjordane

BMO Elektro AS søkjer etter elektrikarar som har lyst til å jobbe med samferdselsrelaterte elektroprosjekt i Nordfjord–Sunnfjord–Sogn-regionen. Vi har etablerte montørbasar i regionen på Nordfjordeid, Førde og Kaupanger.

Som selskap har vi eit nasjonalt nedslagsfelt og jobbar med drift og vedlikehald av elektriske anlegg, hovudsakleg retta mot samferdselsrelaterte offentlege oppdragsgivarar som Statens vegvesen og/eller fylkeskommunar.

Arbeidsoppgåvene består av gjennomføring av vedlikehaldsrutinar for elektrotekniske anlegg innan samferdsel, samt endringar og utvidingar av elektriske installasjonar. Med samferdselsanlegg meiner vi i hovudsak tunnelar, vegbelysning, trafikktellepunkt, klimastasjonar, skilt, vegbommer m.m.

Våre tilsette må kunne arbeide strukturert med moderne hjelpemiddel, for dagleg kommunikasjon med kollegaer, overordna og oppdragsgivar.

Bustad har inga betydning så lenge det er i regionen. Avtale om å mønstre direkte i servicebil og vidare til tildelt oppdrag kan avtalast.

Kvalifikasjonar:

For stillinga krevst fagbrev som elektrikar og førarkort kl. B.

Alle våre elektrikarar må meistre norsk skriftleg og munnleg (flytande). Søkjarar må vere engasjerte, løysingsorienterte, resultatorienterte og serviceinnstilte.

For rett kandidat tilbyr vi svært gode vilkår. Stillinga vil etter kvart inngå i heimevakt.

Opplæring vil bli gitt.

BMO Elektro AS er ein elektroentreprenør innan elektrotekniske, samferdselsrelaterte anlegg. Selskapet har hovudkontor i Eidsvåg/Bergen og utfører oppdrag over heile landet. Vi tel i dag 155 tilsette.

Hovudaktiviteten vår er installasjon og vedlikehald av elektroteknisk utrusting i tunnelar, på kaianlegg og langs vegar. Selskapet har ei eiga SRO-avdeling (styring, regulering og overvaking) som støttar den daglege drifta vår og arbeidet med utbygging. Til produksjon av elektroteknisk dokumentasjon (DAK mm) har vi eigen engineering-avdeling.

Vi ynskjer oss deg på laget, du vil garantert ikkje bli skuffa!

Les meir om oss på heimesida vår.