Ledig stilling som landsbrukssjef for Sel og Vågå kommune

Vi søkjer ein engasjert og strategisk landbrukssjef til felles landbrukskontor for Sel og Vågå kommune. Kontoret ligg i Vågåmo, midt i Nord-Gudbrandsdalen, omgitt av Jotunheimen og Rondane. Regionen er kjend for sterke landbrukstradisjonar, gode oppvekstvilkår og rike moglegheiter for friluftsliv. Landbrukskontoret har pr. i dag 4,7 årsverk.

·       Leiing og utvikling av landbrukskontoret for Sel og Vågå

·       Overordna ansvar for forvaltning og oppfølging av tilskotsordningane i landbruket

·       Pådrivar og ansvarleg for næringssaker innan tradisjonelt landbruk og tilleggsnæringar i landbruket

·       Oppfølging av buplikt jf. nedsett konsesjonsgrense

·       Drive utoverretta informasjonsarbeid innanfor fagområdet

·       Saksbehandling innafor landbrukskontorets oppgåver knytt til kommunal landbruksforvaltning

·       Relevant høgare utdanning

·       Ønskjeleg med relevant jord- eller skogbruksfagleg kompetanse

·       Ønskjeleg med praksis frå offentleg / privat forvaltning med vekt på jord, skog, areal- og miljøspørsmål

·       Ønskjeleg med leiarerfaring

·       Gode kommunikasjonsevner og evne til å skape relasjonar

·       Personlege eigenskapar blir tillagt avgjerande vekt, mellom anna evne til samarbeid og arbeidsglede

·       Førarkort klasse B.

·       Ei spennande leiarstilling med stor påverknadskraft.

·       Løn etter avtale og gode pensjons- og forsikringsvilkår gjennom KLP.

Søknadsfrist: 18.02.2026

Søknad m/CV skal sendast via elektronisk søknadsskjema. Attestar og vitnemål sendast elektronisk til postmottak@vaga.kommune.no eller per post til Vågå kommune, Edvard Storms veg 2, 2680 Vågå.

Spørsmål kring stillinga kan rettast til kommunedirektør Pål Nordby Helle på e-post pal.helle@vaga.kommune.no eller telefon 974 38 722 og leiar for Landbrukskontoret Per-Ivar Weydahl på e-post per-ivar.weydahl@vaga.kommune.no eller telefon 92 04 14 10.

Vågå kommune er oppteke av mangfald og oppmodar kvalifiserte kandidatar til å søkje uavhengig av alder, kjønn, funksjonsevne, etnisitet eller nasjonal bakgrunn.

Vi gjer merksame på at søkjarnamn kan bli offentleggjort sjølv om ein reserverer seg mot det, jf. Off. lova §25. Du vil i tilfelle bli varsla om dette på førehand.

Vågå kommune ligg i Nord-Gudbrandsdalen, mist mellom nasjonalparkane Jotunheimen og Rondane, omtrent midt mellom Oslo og Trondheim, med ei reisetid til begge på knappe 4 timar, så vel med bil som med tog eller buss. Kommunesenteret Vågåmo er ein konsentrert og triveleg handselstand, med eit godt utbygd servicetilbod. Vågå kommune har ca. 3.550 innbyggjarar, eit godt barnehage- og skuletilbod, og eit allsidig og rikt kulturliv.

Vi meiner at det er viktig å ha ei god balanse mellom jobb og fritid - med ei passe mengde arbeidsoppgåver. Er du glad i fritluftsliv kan du kople av i både skog og fjell: det finst gode jakt- og fiskemoglegheiter. Den rurale bygda har i tillegg fleire idrettsanlegg med idrettsarenaer, fotballbaner og idrettshall med klatrevegg, skiløypenettverk og alpinsenter, og tilbyr også på meire urbane tilbod som kulturhus, kino og galleri.