Fagarbeider

Teknisk sektor med eining for veg, vatn og avløp har ansvar for drift og vedlikehald av om lag 35 mil med vatn- og avløpsleidningar. I tillegg har avdelinga ansvar for 17 mil med kommunale vegar, tre vassverk og fem avløpsreinseanlegg.

Eininga har eit godt arbeidsmiljø med 12 tilsette i alderen frå 30-åra til over 60 år. Me har fokus på å jobbe i team, og alle bidreg til å løyse dei utfordringane det fører med seg at anlegga skal fungere 24 timar i døgnet heile året. Dette er verdiar det vil bli lagt stor vekt på.

Stillinga gjeld fagarbeidar/driftsoperatør (100 %) for vassforsyning, med hovudvekt på dagleg drift, ettersyn, vedlikehald og utvikling av vassverka i Midt-Telemark kommune og tilhøyrande leidningsnett, trykkaukestasjonar, høgdebasseng og andre installasjonar knytt til vassforsyninga. Oppmøtestad er Bekkevoll, Gullbringvegen 20.

Arbeidsoppgåver

• Overvaking og styring av vassforsyninga gjennom driftkontrollsystem
• Prøvetaking
• Lekkasjesøk
• Vaktordning knytt til stillinga – noko kvelds- og nattarbeid på vakta må påreknast
• Andre arbeidsoppgåver kan bli tillagt stillinga
  

Kvalifikasjonar

Krav til kvalifikasjonar

• Relevant fagbrev, lang relevant erfaring kan i enkelte tilfelle kompensere for manglande fagbrev
  

Ønska kompetanse

• Erfaring og kompetanse med drift av vassverk, trykkaukestasjonar, høgdebasseng og leidningsnett
• Norsk Vann driftsoperatørkurs

Særskilde krav

• Førarkort kl. B

Personlege eigenskapar

• Jobbe både sjølvstendig og i team
• Praktisk anlagt med god teknisk forståelse

Personlig egnethet vil vektlegges

Vi tilbyr

• E-læringskurset for nytilsette i Midt-Telemark kommune
• Lønn etter gjeldande lov og avtaleverk
• Gode forsikrings- og pensjonsordningar

Kopi av vitnemål og attestar lastas opp som vedlegg i webcruiter.

Midt-Telemark kommune ligg i hjarte av Telemark med Bø som kommune- og regionssenter og handelssenter, og Gvarv som lokalsenter. Kommunen har om lag 10900 innbyggjarar.

Midt-Telemark er ein aktiv kommune med nasjonale turistmål, attraktivt kulturliv, eit innovativt næringsliv og eit variert landbruk, som mellom anna produserer ein fjerdedel av epla i Noreg.

Kommunen er studiestad for Universitetet i Sør-Øst Norge, har vidaregåande skule og folkehøgskule. Kommunesenteret er eit trafikknutepunkt med godt kollektivsamband både aust- og vestover, m.a. med bare 2 timar til Oslo og 2 ½ time til Kristiansand med tog.

Midt-Telemark kommune er opptekne av mangfald og vi oppmodar kvalifiserte kandidatar til å søkje jobb hos oss uavhengig av alder, kjønn, funksjonshemming og etnisitet.