Vil du jobbe som lydteknikar ved landets største teaterhus?

To av medarbeidarane våre blir no pensjonistar, og vi lyser derfor ut to ledige faste stillingar som 

Lydteknikar 

Vi søkjer deg som har solid teknisk kompetanse, eit blikk for teater og eit øyre for god lyd. Som lydteknikar blir du ein sentral del av produksjonsarbeidet, både i prøvetida og under framsyningane, hovudsakleg på Hovudscenen og Scene 2. 

Du vil inngå i teaterets lydavdeling og ha ansvar for alle typar lydtekniske oppgåver. Dette inkluderer planlegging, programmering og avvikling av framsyningar, samt deltaking i produksjonsløpet for tildelte framsyningar. Du jobbar tett med andre fagfunksjonar på scenen, kollegaer i lydavdelinga og det kunstnarlege teamet. 

Utdanning og erfaring/ønskte kvalifikasjonar 

• høgare utdanning og/eller relevant erfaring innan lydfeltet 

• erfaring med Q-lab 

• god kjennskap til trådlause system 

• erfaring med ein eller fleire DAW 

• god datakunnskap og kjennskap til nettverk 

• erfaring frå innspeling og redigering av lyd er ein fordel 

Personlege eigenskapar 

• gode samarbeidsevner og teknisk innsikt 

• evne til å halde roen i hektiske situasjonar 

• tydeleg og rask i kommunikasjon – særleg viktig i produksjonsarbeid 

• god forståing for teaterproduksjon og kunstnarlege prosessar 

• strukturert, sjølvstendig og løysingsorientert 

• allsidig og lærevillig  

Vi tilbyr 

• ein spanande og utfordrande jobb i eit kreativt og hektisk miljø 

• stor tilgang til kunstnarlege opplevingar 

• god kollektiv pensjons- og gruppelivsforsikring 

• gunstig ferieordning 

• lønn etter tariff 

Som lydteknikar har du 35,5 timars veke. Du følgjer prøvar, rigging og framsyningar. Arbeidstida vil variere mellom dag, kveld og helg.   

Arbeidsstaden kan variere, og er styrt av kor vi til kvar tid speler teater. 

Det Norske Teatret ønsker å spegle samfunnet og oppfordrar kvalifiserte kandidatar som kan auke mangfaldet i organisasjonen vår til å søkje. 

Det Norske Teatret har sidan starten i 1913 vakse fram som ein av dei viktigaste og mest særeigne teaterorganisasjonane i Norden. Vi har som mål å vere eit djervt, ope og engasjerande teater dit folk søkjer for refleksjon, oppleving og underhaldning. Det Norske Teatret skal med nynorsk som scenespråk og eit breitt samfunnsengasjement skape nye uttrykk og nå eit stort publikum. Det Norske Teatret ligg sentralt i hovudstaden i eit moderne teaterbygg frå 1985 med 3 faste scener.