Rådgivar

Stillinga som rådgivar er primært knytta til Regional vurderingseining for rehabilitering (RVE) ved Regionalt kompetansesenter for habilitering og rehabilitering. Arbeidsoppgåvene er i hovudsak driftsretta. RVE består av eit team på tre faste medarbeidarar og har ansvar for å saksbehandle tilvisingar til private somatiske rehabiliteringsinstitusjonar. Årleg har RVE behandla om lag 4000 tilvisingar. Frå hausten 2025 er det innført ny praksis i Helse Vest, der tilvisingar om behov for spesialisert rehabilitering for pasientar frå sjukehus skal vurderast. Dette medfører ein auke i talet på tilvisingar. Stillinga er mellombels med varigheit ut 2026. Det er venta at behovet for stillinga vil halde fram, og det kan bli aktuelt med fast tilsetjing.

Teamet har tett samarbeid med legespesialistane som vurderar tilvisingane, og med helsepersonell ved rehabiliteringsinstitusjonane i Helse Vest. Andre samarbeids-partnarar er tilvisarar (fastlegar, legar ved sjukehus o.a.), anna personell i kommunane og ved sjukehus, pasientar, pårørande, samt personell ved vurderingseiningar og rehabiliteringsinstitusjonar i landet elles.

Vurderingseininga er ein funksjon ved Regionalt kompetansesenter for habilitering og rehabilitering. Kompetansesenteret er organisert som ei eining i ReHabiliteringsklinikken i Helse Bergen og held til på Nesttun. Etter planen skal senteret flytte til lokale på Nordås i Fana bydel i løpet av om lag 4 år.

Kompetansesenteret har for tida åtte medarbeidarar i Bergen. Utover Vurderingseininga driv kompetansesenteret med forsking, fagutvikling, nettverksbygging og undervisning innan habilitering og rehabilitering. Senteret er òg tillagt funksjonen Regional koordinerande eining for habilitering og rehabilitering.

Arbeidsoppgåver

• Utføre alle typar oppgåver (digitale) knytt til behandling av tilvisingar, med hovudvekt på oppgåver som krev rehabiliteringsfagleg kompetanse
• Delta i vurdering av tilvisingar i samarbeid med legespesialist
• Ha dialog og løpande utveksling av informasjon med personell ved dei private rehabiliteringsinstitusjonane
• Svare på telefonførespurnader, herunder informere og rettleie pasientar, pårørande og helsepersonell i rehabiliteringsfaglege spørsmål
• Ha ein generell oversikt over habiliterings- og rehabiliteringstiltak i helseregionen
  
• Delta i/ta initiativ til utvikling og forbetring av oppgåveløysing og tenester ved Vurderingseininga
• Delta i vedlikehald av interne retningslinjer
• Andre oppgåvar relatert til vurderingar kan bli aktuelle
• Andre oppgåver relatert til kompetansesenteret elles kan bli aktuelle

Kvalifikasjonar

• Søkarar må ha helsefagleg grunnutdanning, masternivå kan vere ein fordel
• Solid og variert erfaring frå somatisk rehabilitering i kommune eller spesialisthelsetenesta er ein føresetnad
• Interesse for tverrfagleg samarbeid og kontinuerleg fagleg utvikling
• Ha oppdatert kjennskap til gjeldande føringar og normerande dokumentar innan rehabilitering
  
• Ha god IKT/digital kompetanse
• Må meistre norsk skriftleg og munnleg på meget godt nivå

Personlege eigenskapar

• God fagleg vurderingsevne, fleksibel og løysingsorientert, arbeider målretta og strukturert
• Vilje og evne til aktivt å søke meir kunnskap når det er nødvendig
• Vere ansvarsbevisst, fakta- og løysingsorientert
• Ha gode samarbeidsevner, men også kunne arbeide sjølvstendig
• Du har motivasjon og interesse for fagfeltet
• Bidra aktivt/positivt til eit fagleg og kollegialt godt miljø
• Fleksibel ved endring av oppgåver
• Kunne meistre høgt arbeidstempo i periodar

Vi tilbyr

• Ein spennande og variert stilling i eit engasjert og kompetent team/kompetansesenter
• Eit engasjert og godt arbeidsmiljø
• Dyktige og hyggelege kollegaer i eit tverrfagleg og aktivt arbeidsmiljø
• Ein viktig og interessant jobb med tett samarbeid med ulike samarbeidspartnarar i kommune- og spesialisthelsetenesta både nasjonalt og regionalt
• Lønn i samsvar med gjeldande overeinskomst
• Gode pensjons- og forsikringsordningar
• Moglegheit for noko fleksibel arbeidstid innanfor normalarbeidsdagen

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.