Er du ein HR-generalist med kompetanse på rekruttering?

Stillinga er ein del av trainee-programmet i staten og er forbehalden personar med nedsett funksjonsevne eller hull i CV-en. Du må ha høgare utdanning.

I seksjon for HR og utvikling legg vi til rette for at leiarar og tilsette i Miljødirektoratet kan utføre oppdraget sitt på best mogleg måte. Nå søker vi ein kollega med brei HR-fagleg kompetanse, og som særleg har god kompetanse på rekruttering. Du bør trivast med å jobbe både strategisk og operativt. 

HR-seksjonen yt tenester til om lag 60 leiarar og over 800 medarbeidarar. Vi støttar Miljødirektoratets mål og strategiske satsingsområde og skal sikre at direktoratet er ein veldrive organisasjon og attraktiv arbeidsgivar.

Vi er 18 tilsette i seksjonen og har medarbeidarar både i Trondheim, Oslo og Svolvær. Geografisk plassering for denne stillinga er Oslo eller Trondheim.

Stillinga sine hovudansvarsområde

• støtte leiarar i rekrutteringssaker 

• støtte leiarar i sjukefråværssaker og ulike arbeidsmiljøspørsmål

• bidra til utvikling og vedlikehald av rutinar, regelverk og system innan HR

• bidra inn i ulike utviklingsprosessar 

Kompetansekrav

Kvalifikasjonar

• høgare utdanning innan eit relevant fagområde 

• erfaring med rekrutteringsprosessar frå A-Å. Det vektast positivt om du er sertifisert for å bruke evne- og personlegdomstestar.

• erfaring med bruk av digitale HR-system og interesse for digitale løysingar 

• kjennskap til relevant lov- og avtaleverk frå offentleg forvaltning 

• god skriftleg og munnleg framstillingsevne på norsk

Eigenskapar

• Du er løysingsorientert og samarbeider godt med andre.

• Du er nøyaktig og strukturert, og oppteke av kvalitet.

• Du har god rolle- og forvaltningsforståing.

• Du arbeider sjølvstendig og tek ansvar for eigne leveransar.

Vi tilbyr

• 2-årig midlertidig stilling som HR-rådgivar. Stillinga er forbehalden søkarar med nedsett funksjonsevne eller hull i CV-en.

• Stillingsprosenten er i utgangspunktet 100%, men dette kan justerast ved eventuelle tilretteleggingsbehov.

• Gode moglegheiter for fagleg og personleg utvikling.

• Eit breitt tilbod av sosiale, kulturelle og sportslege aktivitetar, inkludert trening i arbeidstida.

• Fleksible arbeidstidsordningar og pensjons- og bustadlånsordningar i Statens pensjonskasse.

• Lønn som rådgivar i lønnsspennet kr 560 000 - 680 000 etter erfaring og kvalifikasjonar. Særskilt kvalifiserte søkarar kan vurderast høgare.

Har du spørsmål?

For å bli vurdert til stillinga, må du bekrefte at du er i målgruppa ved å krysse av for nedsett funksjonsevne eller hull i CV-en i Jobbnorge. Dette dannar grunnlag for anonymisert statistikk som statlege verksemder rapporterer i sine årsrapportar.

Kontaktperson for stillinga er seksjonsleiar Kristin Grimstad, tlf. 469 33 280 , kristin.grimstad@miljodir.no. Spørsmål om søknadsprosessen eller om trainee-ordninga kan òg stillast til HR-rådgivar Gunn Hilde Garte tlf. 477 51 389, gunn.hilde.garte@miljodir.no.

Oppgi referansenummer 86-2025 OHR når du tek kontakt.

Generelle opplysningar

Du må søkje på stillinga via Jobbnorge.no. Skriv søknaden på norsk, og legg ved relevante attestar og utdannelse tatt i utlandet. Vitnemål for utdannelse tatt i Norge må du laste opp i Vitnemålsportalen.

Søkjarlistene blir offentlege når søknadsfristen har gått ut. Om du ikkje ønskjer å stå på den offentlege søkjarlista, må du grunngi kvifor. Vi tek kontakt med deg dersom vi ikkje tek ønsket ditt til følgje, og du får høve til å trekkje søknaden din. 

Meir informasjon om korleis vi handterer opplysningar om deg som søkjar, kan du finne i personvernerklæringa (https://www.miljodirektoratet.no/personvernerklaring/) vår.

Miljødirektoratet jobbar for eit reint og rikt miljø. Hovudoppgåvene våre er å redusere klimagassutslepp, forvalte norsk natur og hindre forureining. 

Vi er eit statleg forvaltningsorgan underlagt Klima- og miljødepartementet. Vi har om lag 830 fast tilsette ved kontora våre i Trondheim, Oslo Svolvær og Tromsø, og ved Statens naturoppsyn (SNO) sine lokalkontor. I tillegg har vi om lag 130 deltidstilsette rovviltkontaktar over heile landet. 

Det er stor variasjon i arbeidsoppgåvene i Miljødirektoratet. Vi utviklar og følgjer opp regelverk, gir råd til Klima- og miljødepartementet, gjennomfører samfunnsøkonomiske analysar, overvaker og kartlegg artar, fører oppsyn og tilsyn, regulerer nasjonalparkar og naturreservat. Nokre oppgåver krev at tilsette med ulik fagkompetanse jobbar saman på tvers. På den måten sikrar vi størst mogleg fagleg tyngd i leveransane våre. Vi lærer av kvarandre og utviklar oss internt. Andre arbeidsoppgåver krev sjølvstendig jobbing. For å løyse samfunnsoppdraget vårt på best mogleg vis, treng vi medarbeidarar i alle aldrar med ulike fagkombinasjonar, kompetanse, livserfaringar og perspektiv. Er du kvalifisert til ei ledig stilling, oppfordrar vi deg til å søkje.

Sjå alle ledige stillingar i Miljødirektoratet.