Prosjektleiar for arealplan

Vil du bidra til å forme og utvikle Sula kommune for framtida?

Vi søker ein engasjert prosjektleiar/planleggar til å leie arbeidet med ny arealplan. Du vil samarbeide tett ilag med kommunedirektørens leiarteam, politikarar, fagmiljø, innbyggarar og andre viktige aktørar.
Stillinga er plassert i kommunalområde Samfunn som har ansvar for har plan, byggesak, eigedomsutvikling og eigedomsdrift samt kommunalteknikk.

Arbeidsoppgåver

• Leie arealplanprosess fram til endeleg politisk godkjenning
• Bidra til strategisk plan- og utviklingsarbeid
• Planfagleg støtte til kommunedirektøren sitt leiarteam
• Representere Sula kommune i offentleg plansamarbeid
• Delta i anna planarbeid

Kvalifikasjonar

• Relevant høgare utdanning (minimum 3 år). Relevant erfaring innan strategi- og planarbeid kan kompensere for utdanningskravet
• Erfaring frå planprosessar er ein fordel
• Kjennskap til digitale planverktøy. Kompetanse til å utarbeide plankart vil være ein fordel.
• God skriftleg og munnleg framstillingsevne på norsk
• Gode samarbeidsevner og evne til å koordinere mot ulike aktørar

Personlege eigenskapar

Vi ser etter ein initiativrik og lærevillig person som trivst med både sjølvstendig arbeid og samarbeid. Du kommuniserer godt og driv fram gode prosessar. Du identifiserer deg med Sula kommune sine verdiar: ærleg og open, respekt og omsorg, innovativ og humor.

Vi tilbyr

• Ei nøkkelrolle i samfunnsutviklinga av Sula kommune
• Fagleg utfordrande og varierte oppgåver
• Tverrfagleg arbeidsmiljø med høg kompetanse
• Ein arbeidsdag prega av godt arbeidsmiljø, humor og arbeidsglede
• Fleksibel arbeidstid
• Konkurransedyktige løns- og pensjonsvilkår

Sula kommune er opptatt av å utvikle og forbetre tenestene saman med innbyggerane og næringslivet, slik vi kan vere ei trygg og framtidsretta kommune. 

Sula kommune ligg sentralt til på Sunnmøre med Ålesund som næraste nabo. Kommunen har omlag 9700 innbyggjarar, der omlag halvparten bur i kommunesenteret Langevåg. Sula er ein av dei minste og mest folketette kommunane i fylket.

Kommunen er vekstkommune med stor aktivitet, rikt kulturliv og har gode høve til å dyrke friluftsliv. Veksten har ført til auke av butikk-, kafe- og næringsverksemder. Det tek 7 minutt med båt over til Ålesund sentrum. Kommunesenteret og Sula rådhus ligg i Langevåg. 

 

Kommunen praktiserer meiroffentlegheit ved tilsettingar. Det betyr at ein som søkar må grunngje kvifor ein eventuelt ber om unntatt offentlegheit. Grunngjevinga vert vurdert opp mot reglane i Offentlegheitslova. Søkarar som ber om unntatt offenentlegheit vil verte kontakta.   

 

Meir informasjon om Sula kommune her