Ta del i å setje standarden for framtidas havbruk som maskinansvarleg

Eide er eit familieeigd selskap og blant pionerane i havbruksnæringa. Me har ein visjon om å setje standarden for framtidas havbruk. Visjonen vår handlar om å vere eit førebilete, sik at me kan produsera mat i sjøen på ein berekraftig måte.

Me har nyleg gjennomført oppkjøp av slakteriet i Brandasund, som er ei viktig langsiktig satsing for Eide. Med eige slakteri har me kontroll over heile prosessen og kvaliteten på vårt produkt. Slakteriet skal vere eit føregangsslakteri innan kvalitet, HMS, berekraft og bruk av restråstoff.

Om rolla

I rolla som maskinansvarleg vil du saman med teamleiar i avdelinga ha eit særskilt ansvar for at sløyemaskinane våre til ei kvar tid er vedlikehaldne og leverer slik dei skal – både med omsyn til effektivitet og kvalitet. Dei seks maskinane våre er av merke Baader og krev systematisk tilsyn og ettersyn om dei skal levere slik me ønskjer. Daglege justeringar for å tilpasse seg både storleik og form på fisken, montering og demontering for å sikre godt reinhald, overvaking av data for systematisk å følgje med på korleis dei presterer. Me er på leit etter ein kandidat som er oppteken av å førebyggje, tilpasse og halde maskinane i god stand. I rolla vil du også ta aktivt del i produksjonen slik at du kjem tett på prosessane og utfordringane.

Arbeidsoppgåver inkluderer mellom anna:

• Mekanisk tilpassing og justering av maskinverktøy

• Førebyggjande vedlikehald

• Reparasjonar

• Reservedelslager

• Klargjering og demontering

• Aktiv deltaking i produksjonen og betjening av maskinane
  

Arbeidsplassen vil vere ved vår fabrikk i Brandasund i Bømlo kommune.

Kven er du?

Er du framoverlent og oppteken av effektivitet og nøyaktighet i prosessar kan du vere den me ser etter. Me ønskjer at du har teknisk bakgrunn, anten innanfor automasjon eller mekanisk. Har du i tillegg bakgrunn frå industri/produksjonsbedrift, vil det vere svært positivt. Om du ynskjer spennande arbeidsoppgåver i eit triveleg miljø, då vil me gjerne høyre frå deg.

Ønskja kvalifikasjonar:

• Teknisk bakgrunn, gjerne fagbrev

• Systematisk og nøyaktig

• Auge for detaljar og ønskje om forbetring

• Trivest i eit hektisk miljø

• Fleksibel med tanke på arbeidstid

• Gode kommunikasjonsevner, munnleg og skriftleg

• God forståing av effektiv og kvalitetsretta produksjonsflyt

Eide tilbyr:

• Godt arbeidsmiljø

• Faglege utfordringar

• Konkurransedyktige lønsvilkår, forsikrings- og pensjonsordningar

Din kompetanse og ditt bidrag vil vere svært viktig for verksemda si vekst og drift i framtida. I Eide kjem du inn i ei verksemd som tør å satse både på våre visjonar og på våre folk.

Me har eit motto: «Det viktigaste er å ha det gøy».

Søknadsinformasjon

Me ønskjer deg velkomen til å sende inn søknad, CV og relevante dokument via vårt rekrutteringssystem. Merk at berre søknader som kjem inn gjennom systemet blir behandla; søknader sendt direkte på e-post blir ikkje vurderte.

Har du spørsmål om stillinga eller rekrutteringsprosessen, ta gjerne kontakt med produksjonsleiar Monica Urang: monica.urang@efb.no / +47 97 71 02 42.