Ønskjer du å jobbe med misjon blant barn, unge og vaksne i Møre?

To faste deltidsstillingar er ledige - éi i NMS og éi i NMSU. Du kan søkje på ei kombinert stilling (90 %) eller på ei av dei to deltidsstillingane. Dersom du vel den siste løysinga, er det viktig at du skriv kva for ei stilling du søkjer på.

Misjonskonsulent (50%) i Region Møre - NMS

Er du engasjert, omgjengeleg og brenn for misjon?
Bli med på laget i Det Norske Misjonsselskap (NMS) og ver med på å gjere ein forskjell! Vi søkjer ein dyktig misjonskonsulent til 50% stilling i vår region Møre, som omfattar Sunnmøre, Romsdal og Nordmøre.

Om stillinga:
Som misjonskonsulent i Region Møre vil du ha ei sentral rolle i arbeidet med å rekruttere, engasjere og følgje opp frivillige. Du vil samarbeide tett med tilsette i NMS, NMSU, NMS Gjenbruk og Kjeldsund leirstad for å legge til rette for både nye og eksisterande misjonsfellesskap og eit levande og vitalt frivillighetsarbeid i regionen. Arbeidet ditt vil bidra til å gjere misjonsarbeidet meir synleg og engasjerande i regionen, og du vil vere med på å formidle viktige misjonsbodskap til ulike målgrupper.

Arbeidsoppgåver:

Rekruttering og oppfølging: Rekruttere, kurse og følgje opp frivillige og frivillighetsteam som ynskjer å bidra til misjonsarbeidet.

Tilrettelegging av fellesskap: Støtte eksisterande misjonsforeiningar og leggje til rette for nye småfellesskap (misjonsforeiningar).

Formidling: Forkynne og formidle misjonsinformasjon på ulike arenaer, og bidra til å synleggjere NMS sitt arbeid.

Barne- og ungdomskonsulent (40 %) i NMSU: 

Vil du jobbe for visjonen «Unge disiplar i heile verda»? Trivst du med å byggje relasjonar og gode fellesskap, samarbeide og formidle? Vil du bruke talenta dine til å engasjere barn og unge til å dele tru, tid, ting og talent?

NMSU søkjer deg som synest det er spennande og meiningsfylt å sjå, samle og styrkje ungdom og frivillige. Du opplever meining i å inspirere både unge og eldre gjennom formidling og relasjonar. Vi ser etter ein engasjert, kontaktskapande og strukturert person som vil vere med og skape aktivitet for barn, unge og familiar i regionen saman med frivillige og Den norske kyrkja.

Vi tilbyr ein variert jobb med oppfølging av eksisterande aktivitetar og rom for å skape nye. Du får i stor grad styre eigen arbeidskvardag.

Hovudarbeidsoppgåver:

• Utvikle og følgje opp samarbeid med Møre bispedøme og kyrkjelydar i Den norske kyrkja

• Etablere followme-nettverk i Møre for å bidra til å sjå, samle og styrkje ungdomsleiarar og dei som jobbar med ungdomsarbeid i kyrkjelydane i regionen

• Formidle tru og misjon i møte med barn og ungdom

• Oppfølging av frivillige og byggje frivillige team
  
  *********************************************

For begge stillingane ønskjer vi oss deg som har:

• Relevant utdanning og erfaring med leiing av frivillige, samt å arbeide med barn og unge

• Misjonsengasjement, stor relasjonell kapasitet og god formidlingsevne.

• Evne til å arbeide sjølvstendig, målretta og strukturert.

• God kjennskap til kyrkje- og organisasjonsliv, spesielt innan Dnk, NMSU og NMS

• Erfaring med administrative oppgåver og bruk av dataverktøy.
  

Kva kan vi tilby?

• Ein spennande og variert arbeidskvardag i internasjonale organisasjonar.

• Eit godt arbeidsmiljø med engasjerte kollegaer.

• Moglegheit for heimekontor etter avtale.

• Løn etter NMS og NMSU sitt regulativ.
  

Forventningar til deg:

• Søkjaren må disponere bil, då reising i regionen er ein naturleg del av stillinga.

• Søkarar må vere personleg eigna for stillingane.

• Du må kunne identifisere deg med NMS og NMSU sine grunnsyn.

Om NMS:
Det Norske Misjonsselskap (NMS) er ein av Norges største misjonsorganisasjonar, og vi samarbeider tett med Den norske kyrkja. I NMS er målet vårt å skape eit verdig liv og eit varig håp ved å dele tru, utrydde fattigdom og bekjempe urettferd. I NMS blir du ein del av eit verdsomspennande fellesskap.

Om NMSU:
NMSU er ein barne- og ungdomsorganisasjon som består av lokallag og enkeltmedlemmar. Vi har vår forankring i Den norske kyrkja og ønskjer å vere ein naturleg samarbeidspartnar for kyrkjelydar som ønskjer at barn og unge skal få eit lokalt og globalt misjonsengasjement. Gjennom arbeidet vårt vil vi engasjere barn og unge til å dele tru, tid, ting og talent.