Fjord1 søkjer prosjektingeniør innan tekniske anbod

Fjord1 er Noregs leiande ferjeselskap og ein sentral aktør i det grøne skiftet innan maritim transport. Vi kombinerer lange maritime tradisjonar med modernisering, teknologi og framtidsretta drift. Vi vil no styrke fagmiljøet vårt innan teknisk analyse og anbod, og søkjer derfor ein prosjektingeniør med arbeidsstad i Florø.

Stillinga som prosjektingeniør teknisk anbod inngår i selskapet sitt anbodsteam, som arbeider med teknisk grunnlag for anbod og tidlegfaseanalyse. Du vil samarbeide tett med resten av teamet, og få ei sentral rolle i vurderingar av nye samband, nybygg og teknisk dokumentasjon til bruk i anbod og forretningsutvikling.

Typiske arbeidsoppgåver

• Analyse av energi, last, rutetider, fart og påverknad frå vêr og vind

• Vurderingar knytt til fartøy, samband og energisystem

• Vurdering av fartøyskonsept, implementering av ny teknologi og designkonsekvensar i samarbeid med designmiljø

• Vurdering av gjenbruk og vidareutvikling av eksisterande fartøy og infrastruktur

• Utarbeiding av teknisk dokumentasjon og underlag til bruk i anbod

Arbeidet skjer i skjæringspunktet mellom teknisk analyse, økonomiske vurderingar og strategiske avgjerder. Du blir difor også ein del av eit tverrfagleg samarbeid med avdeling for nybygg, teknisk drift og kommersiell eining, og må kunne jobbe strukturert og analytisk med teknisk informasjon og samansette problemstillingar.

Kven ser vi etter?

Vi ser etter deg med teknisk innsikt, analytiske evner og motivasjon for å jobbe i grensesnittet mellom teknologi, miljø og strategi. Du kan vere nyutdanna eller erfaren – viktigast er rett fagprofil og vilje til å lære.

Vi trur du har:

• God kjennskap til tekniske berekningar, dataverktøy og gjerne noko
  programmering

• Gjerne ein fagprofil innan marinteknikk, maskin, elkraft eller anna spennande relevant teknisk fagområde

• Erfaring frå verft, rederi, designmiljø eller prosjektarbeid med fartøy og energisystem er ein fordel

• Interesse for regelverk, design og samanhengen mellom teknologi og operativ drift

• God framstillingsevne på norsk og engelsk, både munnleg og skriftleg

Eit mannskap for alle

Vi veit at eit mangfald av perspektiv og erfaringar gjer oss sterkare. Vi ønskjer kollegaer med ulike bakgrunnar, kompetansar og livserfaringar, og vi oppmodar alle kvalifiserte kandidatar til å søkje. Våre kontorlokaler er universelt utforma, slik at du kan trivast og jobbe godt uavhengig av behov eller funksjonsevne. Her hos oss handlar det om kva du kan bidra med, ikkje kvar du kjem frå.

Dette får du hos oss

• Ei utviklingsrolle i eit spennande fagmiljø med høg teknisk kompetanse

• Varierte og analytiske oppgåver tett på framtidas ferje- og hurtigbåtløysingar

• Ein arbeidsgjevar med sterk miljøprofil og framtidsretta teknologi

Lyst til å høyre meir?
Ta kontakt med:
Asbjørn Grini – 917 94 825 – asbjorn@visere.no
Daniel Klakegg Dvergsdal – 904 79 470 – daniel@visere.no

Søknadar vert handsama fortløpande.

Fjord1 er Noregs leiande ferjeselskap og ein pådrivar i den grøne omstillinga av maritim transport. Vi har ei topp moderne flåte og satsar på verdsleiande teknologi med nullutslepp og ny infrastruktur som sentrale fokusområde. Gjennom kontinuerleg utvikling av både nye og eksisterande fartøy bidreg vi til å forme framtida for kollektivtransport langs norskekysten.

Fjord1 er ein stor kompetansearbeidsplass, både på land og til sjøs, med eit breitt spekter av stillingar innan blant anna operativ drift, teknologi, innovasjon og miljø. Vi ser stadig etter nye medarbeidarar med relevant kompetanse og legg stor vekt på å utvikle eigne tilsette gjennom målretta kompetansebygging og interne karrieremoglegheiter.

Med kontor i Florø, Bergen og Molde, og over 1100 tilsette, tilbyr vi ein variert og meiningsfylt arbeidskvardag i eit framoverlent selskap, med store ambisjonar for framtida.