Vi søkjer deg som kan bidra til å vidareutvikle rekneskapsfunksjonen i Noregs leiande ferjeselskap.

Fjord1 er Noregs leiande ferjeselskap og ein sentral aktør i det grøne skiftet innan transportsektoren. Vi kombinerer lange maritime tradisjonar med modernisering, teknologi og framtidsretta drift. No søkjer ein fagleg engasjert og strukturert rekneskapsrådgjevar med interesse for kvalitet, metode og utvikling. Du vil få ei sentral rolle i arbeidet med finansiell rapportering, vidareutvikling av automatiserte løysingar og effektivisering av økonomiprosessar og interne kontrollrutinar. Stillinga inngår i det samla økonomimiljøet vårt i Florø, og rapporterer til leiar for rekneskap.

Som rekneskapsrådgjevar får du ansvar for faglege vurderingar og systematiske oppgåver knytt til rekneskap og internkontroll. Du vil bidra i arbeidet med å vidareutvikle og automatisere standardiserte prosessar, fange opp avvik og sikre god dokumentasjon og rapportering. Rolla gir deg innsikt i komplekse samanhengar knytt til fagområdet rekneskap i Fjord1, og høve til å jobbe tett med erfarne kollegaer i eit digitalt og endringsorientert miljø.

Dine ansvarsområder:

• Vidareutvikling og kvalitetssikring av rekneskapsprosessar og dokumentasjonsrutinar

• Bidra til finansiell rapportering og styrke metodikk og fagleg forståing i økonomimiljøet

• Deltaking i løpande og periodiske oppgåver i rekneskapsfunksjonen

• Oppfølging av automatiserte prosessar og identifisering av avvik

• Forbetring og effektivisering av interne rutinar

• Samarbeid med rekneskapsleiar og økonomifunksjonen om struktur og utvikling

Kven ser vi etter?

Vi ser etter deg som jobbar systematisk, er trygg i vurderingane dine og har interesse for å vidareutvikle både deg sjølv og fagområdet. Du ønskjer å lære meir om fag og rekneskapsstandardar, og ser verdien av struktur, metode og presisjon i eit miljø der automatisering og kontinuerleg forbetring er i fokus.

Vi trur at du har:

• Utdanning innan økonomi, rekneskap eller revisjon

• Erfaring frå rekneskapsfunksjon, revisjon eller controlling

• Interesse for å lære meir om IFRS og konsernrekneskap, både som del av fagleg utvikling og i møte med digitalisering av økonomiprosessar

• God vurderingsevne, systemforståing og evne til å jobbe sjølvstendig

• Klår og presis kommunikasjon på norsk og engelsk, både munnleg og skriftleg

Eit mannskap for alle

Vi veit at eit mangfald av perspektiv og erfaringar gjer oss sterkare. Vi ønskjer kollegaer med ulike bakgrunnar, kompetansar og livserfaringar, og vi oppmodar alle kvalifiserte kandidatar til å søkje. Våre kontorlokaler er universelt utforma, slik at du kan trivast og jobbe godt uavhengig av behov eller funksjonsevne. Her hos oss handlar det om kva du kan bidra med, ikkje kvar du kjem frå.

Lyst til å ta ein prat om stillinga? Ta kontakt
Daniel Klakegg Dvergsdal på telefon 904 79 470 eller Daniel@visere.no
Asbjørn Grini på telefon 917 94 825 eller e-post Asbjorn@visere.no

Alle søknadar vert behandla fortløpande.

Fjord1 er Noregs leiande ferjeselskap og ein pådrivar i den grøne omstillinga av maritim transport. Vi har ei topp moderne flåte og satsar på verdsleiande teknologi med nullutslepp og ny infrastruktur som sentrale fokusområde. Gjennom kontinuerleg utvikling av både nye og eksisterande fartøy bidreg vi til å forme framtida for kollektivtransport langs norskekysten.

Fjord1 er ein stor kompetansearbeidsplass, både på land og til sjøs, med eit breitt spekter av stillingar innan blant anna operativ drift, teknologi, innovasjon og miljø. Vi ser stadig etter nye medarbeidarar med relevant kompetanse og legg stor vekt på å utvikle eigne tilsette gjennom målretta kompetansebygging og interne karrieremoglegheiter.

Med kontor i Florø, Bergen og Molde, og over 1100 tilsette, tilbyr vi ein variert og meiningsfylt arbeidskvardag i eit framoverlent selskap, med store ambisjonar for framtida.