Vil du bidra til gode kundeopplevingar for reiseglade?

Fotefar temareiser veks og er difor på utkikk etter ein ny servicemedarbeidar til kontoret vårt på Leikanger i Sogndal kommune. Dette er ei spennande og variert stilling der du får ulike kunderelaterte oppgåver på telefon og e-post.

Vi ser etter deg som trivst med ein variert og hektisk kvardag, og som kan ha mange ballar i lufta samstundes som du jobbar strukturert.

Personlege eigenskapar: 

• Er strukturert og nøyaktig 

• Likar ein arbeidskvardag med høgt tempo, og kan sjonglere fleire arbeidsoppgåver på ein gong  

• Trivst med kundekontakt på telefon og e-post, og likar å jobbe med menneske  

• Er kreativ, lærevillig, sjølvstendig og har ei positiv haldning  

• Tek utfordringar på strak arm  

• Samarbeider lett med andre  

• Har god skriftleg formuleringsevne på nynorsk og engelsk  

• Har god munnleg formuleringsevne på norsk og engelsk, og gjerne fleire språk  

Arbeidsoppgåver: 

• Oppgåver i booking- og betalingssystem  

• Kundekontakt på telefon og e-post  

• Diverse rutineoppgåver 

   

Vi tilbyr: 

• Varierte arbeidsoppgåver i eit lite, men aktivt, arbeidsmiljø og ein spennande bransje som endrar seg raskt 

• Lønsvilkår etter avtale 

• Fleksitid 

Tilsetjing snarast råd. Send søknaden innan 11. august 2025 på e-post til post@fotefartemareiser.no. Alle søkarar blir kontakta etter søknadsfristen.

Fotefar temareiser arrangerer unike temareiser til Norge, Europa, Afrika, Asia, Nord- og Sør-Amerika. Historie- og kulturopplevingar står sentralt i reisene, og med oss på tur har vi kunnskapsrike forelesarar.