Vil du vere med å utvikle Helse Vest sin private sky?

Vil du vere med å forme helseteknolog for framtida? Helse Vest IKT har ansvaret for helsedata og IT-drift for spesialisthelsetenesta i Rogaland og Vestland.
No søkar vi ein engasjert medarbeidar til vårt datasenterteam – ei nøkkelrolle i utviklinga av vår private sky.

Team Datasenter er ein del av seksjonen for Server og lagring i tenesteområdet Privat sky, og har ansvar for grunnmuren i vår IT-infrastruktur. Vi jobbar med alt frå datasenternettverk, NAS og SAN, til backup og fysisk drift av moderne datasenter i Bergen og Stavanger.

Vi ser no etter deg som brenn for automasjon og overvaking, og som ønsker å bidra til å vidareutvikle våre løysingar med verktøy som Ansible, Grafana og Prometheus. Du vil få moglegheit til å jobbe med nokon av dei mest avanserte teknologiane – i eit miljø prega av samarbeid, fagleg utvikling og høg grad av tillit.

Arbeidsoppgåver

• Utvikling av plattforma – automatisering og scripting.
• Utvikling og forbetring av overvakingsløysningar i Grafana.
• Innsamling og visualisering av data frå proprietære system.
• Bidra til kontinuerleg forbetring av IKT-sikkerheit.
• Kunnskapsdeling og dokumentasjon i tråd med GitOps-prinsipp.

Kvalifikasjonar

• Har høgare utdanning frå universitet eller høgskule innan IT, eller solid relevant arbeidserfaring som kan kompensere for dette.
• Har erfaring med Linux, kommandolinje, scripting og verktøy som Ansible og Grafana.
• Har erfaring frå drift i større miljø (ikkje eit krav).
  
• Kan sikkerheitsklarerast i samsvar med Verksemdsforskrifta §69.
• Er nysgjerrig, strukturert og har eit ønske om å gjere ein forskjell.
• Snakkar og skriv flytande norsk.

Personlege eigenskapar

• Har Linux på heimeserveren og trivast i terminalen.
• Automatiserer heller enn å gjere ting manuelt.
• Er hjelpsam, kunnskapsrik og likar å dele med andre.
• Har sans for struktur og kvalitet i arbeidet.
• Verdset eit godt arbeidsmiljø og bidreg med godt humør.

Vi tilbyr

Høyrest det givande ut å jobbe ein stad med eit inspirerande samfunnsoppdrag? Då vil vi snakke med deg! Hos oss får du:

• Moglegheita til å jobbe i eit stort og tverrfagleg miljø i ein banebrytande bransje
• Spennande og samfunnsnyttige oppgåver i ein av Norges mest komplekse IT-infrastrukturar
• Eit sterkt fagmiljø og moderne teknologiar frå øvste hylle
• Nye, flotte kontorlokale på Kronstad X i Bergen
• Gode moglegheiter for fagleg utvikling, kurs og konferansar
• Tilgang til Helse Vest sine kollektive avtalar og tilbod for tilsette
• Fleksible arbeidsordningar med fleksitid og moglegheit for heimekontor
• Lunsjpause inkludert i arbeidstida
• Løn etter avtale
• Medlemskap i KLP som sikrar gode pensjonsrettar
• Eit inkluderande og sosialt arbeidsmiljø med høg trivsel

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.