Operatør til laserbrennarar

Me har ein Amada og ein Trumpf laserbrennar med høglager, som vanlegvis går to ubemanna skift. Me søkjer ein operatør til teamet som har ansvar for disse maskinene. Har du god teknisk innsikt, er mekanikar eller har erfaring med CNC-styringar, er det ein fordel. Det er vaktordning for tilsyn på kveldstid når maskinene går ubemanna, og ein får løn per time maskinene går ubetjent utanom ordinær arbeidstid. Det vil verta gjeve grundig opplæring.

Me ser gjerne at du har personleg initiativ, er strukturert og at du kan visa ei positiv haldning i ein hektisk arbeidssituasjon.

Har du spørsmål gjeldande jobben, kontakt dagleg leiar Svein Ove Lid (mobil 952 65 869) på tlf. eller send skriftleg søknad med attestar og vitnemål til oss snarast og seinast 1. august.

For utfyllande informasjon om bedrifta sjå: www.dalen.no

Lid Jarnindustri AS, Steine 35, 5600 Norheimsund, post@dalen.no

Lid Jarnindustri AS er ei mekanisk produksjonsbedrift med ein moderne maskinpark. Hovudvekta er serieproduksjon av maskiner og utstyr for landbruk, skogbruk og anlegg. Bedrifta har kring 70 tilsette. I 2024 var omsetninga på 182 millionar kroner, og me har gjennom ein del år hatt god respons i marknaden. Dei tilsette har fri både i jule- og påskehelga, inneklemde dagar, og 4 veker fellesferie. Me har også opplegg for timekonto, og det er AFP-ordning.