Teknisk inspektør - sørg for at våre servicebåtar alltid er klar for innsats!

Alsaker Fjordbruk har ein stor flåte med servicebåtar og stålflåtar. Desse skal til ei kvar tid skal vera i tipp topp stand for å utføra store og små arbeidsoperasjonar knytt til oppdrettsverksemda. I rolla som teknisk inspektør vert du ein viktig brikke for å oppretthalde den gode kvaliteten på servicebåtane våre, samt sikre gode vedlikehaldsrutinar slik at utstyret alltid er klart til neste prosjekt, og båtane yt maks i ein travel kvardag.

I tillegg til administrativ rolle vil du i stillinga vera synleg i felten. Kontorstad vil vera på Onarheim, men du må pårekna å reise både sjøvegen og med bil til våre båtar og lokasjonar.

Som teknisk inspektør vert du ein del av vårt solide faglege miljø, og har mange diskusjonspartnarar innan ulike fagfelt.

Vår tekniske inspektør søkjer no nye utfordringar, me ser etter hans etterfølgar.

Arbeidsoppgåver:

• Viktig diskusjonspartnar for våre skiprar og servicepersonell

• Innkjøp av teknisk og mekanisk utstyr

• Overordna ansvar for internkontroll-  og vedlikehaldssystem, avvikshandtering

• Planlegge årleg verkstadopphald/slipping

• Fokus på teknisk oppfølging av maritimt utstyr og tilhøyrande dokumentasjon, samt installasjon av utstyr

• Prosjektdeltakar ved nybygg og installasjonar

Ynskjelege kvalifikasjonar:

• Relevant maritim, teknisk eller mekanisk utdanning, eller erfaring frå tilsvarande

• Framoverlent og løysingsorientert

• Gode samarbeidsevner

• Utfører planar og har stå på vilje

Me kan tilby deg:

• Jobb i eit av dei leiande norske oppdrettsselskapa for produksjon av laks

• Utfordrande arbeidsoppgåver i eit triveleg, fagleg dyktig og hektisk miljø

• Konkurransedyktige vilkår

Søknader vil bli vurdert fortløpande fram til søknadsfristen.

Alsaker Fjordbruk er eit lokalt forankra havbrukskonsern med hovudkontor på Onarheim i Tysnes kommune. Me tek hand om laksen frå rogn til ferdig pakka produkt, og har aktivitet i 14 kommunar mellom Stavanger og Bergen. Me er eitt av dei største privateigde oppdrettskonserna i landet, med  24 matfiskkonsesjonar, 4 settefiskanlegg, rensefiskanlegg, slakteri, brønnbåt og ein stor flåte av servicebåtar.

Alsaker er ein del av Meidell konsern, som forutan havbruk omfattar marineservice-verksemda Tronds Marine Service, drift av eigne næringseigedomar samt bygde- og eigedomsutvikling. Me har over 3 milliardar i omsetnad og er om lag 350 tilsette i Hordaland og Rogaland.  Les om oss på  www.alsaker.no