Bli med å setje standarden for framtidas havbruk som VAP-ansvarleg

Eide er eit familieeigd selskap og ein av pionerane i havbruksnæringa. Me har ein visjon om å setje standarden for framtidas havbruk. Visjonen vår handlar om å vere eit førebilete, slik at me kan produsera mat i sjøen på ein berekraftig måte.   

Om rolla 

Som VAP ansvarleg skal du utvikle og drifte Eide sitt tilbod av foredla produsert basert på økologisk laks. Rolla skal samarbeide tett med eksterne partnarar for å kunne tilby løysningar kundar i premium retail og HORECA faktisk ynskjer. 

Arbeidsoppgåver og hovudansvar 

• Etablere og følgje opp strategiske samarbeid med utvalde VAP-partnarar (filet, skinpack, MAP, porsjonspakkar m.m) 

• Utvikle ein komplett produkportefølgje for økologisk VAP (type, vekt, emballasje, MOQ, produksjonstid) 

• Samarbeide tett med salsteamet og nøkkelkundar for å definere krav og tilpasse tilbod 

• Kartlegge moglegheiter og flaskehalsar hjå partnarar og sikre leveringspresisjon 

• Koordinere prisstruktur og forhandlingar rundt VAP-produkt saman med salssjef 

• Sikre samsvar med økologisk sertifisering, sporbarhet og kvalitetskrav i samarbeid med QA 

Kven er du? 

Me ser etter deg som har erfaring frå produktutvikling, foredling, logistikk eller sal innan sjømat eller matindustri. Dine personlege eigenskapar er like viktige som di erfaring og kompetanse. Det er viktig at du har evne til å arbeide strukturert og sjølvstendig, og drive prosjekt frå idé til løysning. 

• Sterk forståing for kva premiumkundar ynskjer og kva VAP-verdikjeda krev 

• God forhandlingskompetanse og kommersiell teft 

• Kjennskap til partnarstrukturar i VAP-marknaden er ein fordel 

Kva kan Eide tilby? 

I Eide tør me å satse, på visjonar og på folk. Me bryr oss om kvarandre, fisken vår, og miljøet me driv og lever i. Som vår VAP-ansvarleg for økologisk laks vil du vere ein viktig lagspelar og bli ein del av eit godt arbeidsmiljø. Hos oss vil du ha moglegheit for personleg og fagleg utvikling i eit godt, trygt og inkluderande arbeidsmiljø, der arbeidsglede er viktig. 

• Jobb i ei framtidsnæring, i eit selskap som tør å satse    

• Varierte og interessante arbeidsoppgåver    

• Et arbeidsmiljø der både tryggleik og arbeidsglede er viktig    

• Konkurransedyktige vilkår  

• Arbeidsstaden vil vere på Vestlandet med reiseaktivitet til partnarar og kundar 

Søknadsinformasjon 

Me ønsker deg velkommen til å sende inn søknad, cv, og relevante dokument innan søknadsfristen. Om du har spørsmål knytt til stillinga, ta gjerne kontakt med HR-leiar Mari Lundal / mari.lundal@efb.no / +47 40 62 87 43.  

For meir informasjon om selskapet, sjå våre nettsider og sosiale medium Eide Fjordbruk.

Søk i dag og bli ein viktig del av vår spanande reise for å setje standarden for framtidas havbruk