XL-BYGG Roald søkjer Proffselgar

XL-BYGG er ei av landets største byggevarekjeder med over 90 butikker rundt om i Norge. Vår ambisjon er å vere den leiande faghandelen innan trelast og byggevarer. Kvar dag jobbar vi i XL-BYGG etter mottoet "Den hyggelege eksperten". Vi ønskjer å fokusere på det som verkeleg betyr noko når ein skal bygge - nemleg å kunne tilby kvalitetsverktøy, gode materialar og ikkje minst profesjonell og hyggeleg hjelp.

Sverre Roald AS er medlem i XL-BYGG og aksjonær i Mestergruppen og profilerer seg utad som XL-BYGG Roald. Saman med søsterselskapet RoaldHus AS har vi totalt 14 tilsette, ei nesten 80-årig historie og eit solid økonomisk fundament. Vår verksemd er trelast- og byggevaresalg samt bustadbygging. Ein av våre tilsette går over i ny stilling og vi søkjer derfor PROFFSELGAR BYGGEVARE.

Vi søkjer etter ein motivert proffselgar med godt humør og som trivast i eit til tider hektisk miljø der kvalitet og god kundebehandling vert sett i høgsete. Vi søkjer deg som gir det lille ekstra, og som skil seg ut med entusiasme og stort engasjement. Du speiler våre kjerneverdiar - Blid, Ekte og Proff, og bidreg med å forsterke verdiarbeidet i organisasjonen.

Arbeidsoppgåver

• Salg av trelast og byggevarer

• Tilbud, salg og ordrebehandling til proff- og forbrukarmarknaden

• Vere rådgivar, tilretteleggar og vegleiar for kunden i byggtekniske spørsmål

• Oppfølging av avtaler

• Kalkulasjon av prosjekt

• Fokus på marknad, igangsetting av prosjekt og nye kundar

Ønskja kvalifikasjonar og eigenskapar

• Erfaring med prosjekt- og proffsalg, gjerne frå byggevarebransjen

• Relevant utdanning, fagbrev som tømrar, fagskule bygg eller tilsvarande

• Analytisk - avdekke kunden sine behov, fungere som ein kompetent rådgivar

• Sjølvstendig, utadvendt, serviceinnstilt og ansvarsbevisst

• Generelt god datakunnskap og kjennskap til digitale verktøy som hjelpemiddel

• God lagspelar og gode samarbeidsevner

• Flytande norsk, skriftleg og munnleg

Vi kan tilby ei utfordrande stilling der det ligg til rette for fagleg og personleg utvikling saman med engasjerte kollegaer i eit godt arbeidsmiljø.

Meir informasjon om stillinga får du ved å vende deg til Snorre Roald tlf. 70189417.

Vi behandlar søknader fortløpande.

Det å byggje hus er ein omfattande prosess, der ein startar med grunnmuren, og legg stein på stein. På same måten har firmaet Sverre Roald AS vorte utvikla sidan slutten på 40-talet. Det som i dag er eit velrenommert bygg- og bustadvarefirma, starta som ein liten snikkarverkstad på Vigra. Sverre Roald flytta til Gjøsund i 1957, og dreiv då med møbel-utsalg, snikkerverkstad og trelastlager.

Hus starta vi med i 1973. To år seinare vart RoaldHus ein realitet, eit hussystem utvikla og produsert av Sverre Roald AS. Etter jamn og god vekst i mange år, vart det ei stor utviding i 1979, og dagens lokalitetar tok form.

I 2002 la vi til sides det eigenutvikla hussystemet RoaldHus og meldte oss inn i HellvikHus-kjeda. Sverre Roald AS vart aksjonær i Nordek AS og medlem i trelast og byggevarekjeda BK Byggkjøp i 2003. Endra namn til XL-BYGG i 2009 og er i dag ein del av Mestergruppen.

Firmaet er idag delt i to driftsselskap og presenterer seg under profilane, XL-BYGG Roald, Sverre Roald AS, og HellvikHus, RoaldHus AS.