Utløpt

Er du rådsnar og sjølvstendig?

Arbeidsgiver: NAV
Stillingstittel: Rettleiar
Frist: 10.04.2024
Ansettelsesform: Fast

I NAV Kontaktsenter Vestland har vi fleire ledige faste rettleiarstillingar. Vi søkjer etter personar som er sjølvstendige og rådsnare, og som stoler på eigne avgjersler. Ei av våre viktigaste oppgåver er å sikre at folk som kontaktar NAV får den bistanden dei treng, og vårt mål er å stadig skape betre brukarmøter.

NAV Kontaktsenter er eit av Noregs største og mest avanserte kontaktsenter som handterar ca. 5,4 millionar brukarhenvendingar kvart år. Vi er NAVs faglege førsteline på telefon, chat, digitale kanalar og sosiale medium. NAV Kontaktsenter består av 1000 medarbeidarar fordelt på fleire lokasjonar i heile landet.

NAV Kontaktsenter er i endring og omstilling. Du må difor rekne med endring i arbeids- og ansvarsområde.

Arbeidsoppgåver

informere og rettleie folk hovudsakeleg på telefon eller i skriftlege kanalar om moglegheiter innanfor NAV sitt tenesteområde
rettleie i bruk av sjølvbetjeningsløysingar
rettleie om arbeidsmarknaden med mål om å få fleire i jobb
leie samtalen, lytte, avklare, syne til relevant og rett informasjon, skrive referat

For å få betre innsikt i arbeidsoppgåvene, sjå filmen om korleis det er å jobbe som rettleiar i NAV Kontaktsenter: https://vimeo.com/722838212

Kvalifikasjonar

Du må ha:

minimum tre-årig utdanning frå høgskule eller universitet
engasjement for NAV sitt samfunnsoppdrag
svært gode kommunikasjonsevner, både skriftleg og munnleg, på norsk og engelsk
digital kompetanse og evne til å rettleie brukarar i sjølvbetjeningsløysingar

Personlege eigenskapar

Me ønskjer at du:

er rådsnar og sjølvstendig
har evne til å vera 100% til stades kvar dag i kvart brukarmøte
har emosjonell styrke til å møta brukarar som er i krevjande livssituasjonar
liker å jobba i ein planlagd kvardag med føreseielege rutinar og prosedyrar

Vi tilbyr

utfordrande og meiningsfylte arbeidsoppgåver i eit engasjert og kompetent arbeidsmiljø
ein arbeidsstad som heile tida utviklar seg til det beste for brukarar og samfunn
stilling som førstekonsulent (kode 1408) eller rådgjevar (kode 1434 ) med lønsspenn frå kr 524 700 - kr 594 500 (lønstrinn 53-61)
moglegheit for hybrid arbeidskvardag innanfor våre retningsliner
god pensjonsordning gjennom Statens Pensjonskasse (frå løn trekk vi 2 %)

Om arbeidsgiveren

NAV søkjer tilsette med hjarte for menneske og fagområda våre. Visjonen vår er å gje menneske moglegheiter, og dette gjer vi ved å utvikle Noregs beste arbeids- og velferdstenester.

NAV består av 22 000 kompetente og engasjerte medarbeidarar. Vi jobbar tverrfagleg i sterke fagmiljø. Hos oss skal arbeidsmiljøet pregast av involvering, openheit og tillit.

Mangfald er viktig i NAV. Mangfald bidreg til betre problemløysing, auka kreativitet, større fleksibilitet og styrker kulturen og arbeidsmiljøet på arbeidsplassen. Vi oppmodar difor kandidatar med ulik bakgrunn til å søke på stillingar hjå oss, særleg om du har hol i CV-en, innvandrarbakgrunn eller nedsett funksjonsevne.

Ønskjer du å bli unntatt frå offentleg søkjarliste, må du grunngje dette. Del gjerne vitnemålet ditt eller karakterutskriftene dine på vitnemålsportalen.no.

NAVstilling