Er du vår nye styrar?

Trekløveren barnehage er ein 3 avdelingsbarnehage, med for tida 46 barn. Barnehagen ligg sentrumsnært på Varhaug. Det er kort veg til togstasjon, bibliotek, idrettsanlegg og skule.

Trekløveren barnehage har fokus på leiken sin eigenverdi, systematisk arbeid med språk og at born og vaksne opplever tryggleik, tid og trivsel kvar dag. Barnehagen har tilsette som er trygge og til stades, er opptekne av relasjonar og verdset samspel med barna. Personale er stabilt og har god fagleg kompetanse.

Trekløveren barnehage er ein av 14 kommunale barnehagar. Som styrar vil du leie arbeidet med å utvikle Trekløveren barnehage, og delta i kommunen sitt utviklingsarbeid. Du blir ein del av ei engasjert, kompetent og utviklingsretta styrargruppe.

Me ønskjer ein leiar som

o har stø kurs og er utviklingsorientert

o kan leie medarbeidarar

o er innstilt på samarbeid

o har evne til å arbeide sjølvstendig

o har gjennomføringsevne

o bidreg til at barnehagen er ein lærande organisasjon

o trivast saman med barn og føresette

o er fleksibel og har godt humør

o bidreg i styrarkollegiet

Kvalifikasjonar

o godkjent pedagogisk utdanning

o erfaring frå barnehage

o ønskjeleg med leiar- og/eller anna relevant etterutdanning

o ønskjeleg med leiarerfaring

Det blir lagt vekt på personlege eigenskapar.

Attestar og vitnemål

Vi ber om at du lastar opp attestar og vitnemål, i PDF-format, saman med søknaden din. Utenlandske vitnemål må vera NOKUT-godkjende (hkdir.no) og utenlandske attestar oversatte til eit skandinavisk språk eller engelsk.

Politiattest

Gyldig politiattest nyare enn tre månader må leverast før tiltreding.

Tilsetjingsvilkår

Tilsetjinga skjer på dei vilkår og med dei plikter som framgår av utlysninga, og dei til einkvar tid gjeldande lovar, regler og tariffavtalar. Kommunen har gode pensjons- og forsikringsordningar med ulykkesforsikring i fritida. Kommunen har ei prøvetid på 6 månader og regler for flyttegodtgjersle.